Mwa bukombwa bwahae, Jesu naalutanga lituto ka kuitusisa lika zesazo ezahala. (Luka 13:1-5) Ni mina mwakona kuitusisa lika zesazo ezahala kuli mutuse batu kutabela lushango lwa Mubuso. Hasemubulezi lika zecwale ka kutokwa hande masheleñi, likozi za ka taho, mifilifili, kuitusisa milyani yekola, kamba zeñwi zeswana ni zeo, mubuze puzo yakatahisa kuli mutu yemuikambota ni yena anahanisise. Mwendi mwakona kumubuza kuli: “Kana lika zecwale ka . . . likafela muta omuñwi?” kamba “Mubona kuli ki muhato mañi oswanela kuungiwa kuli lika zecwale ka . . . lifele?” Kihona muka mubonisa timana ya mwa Bibele yeambola ka za taba yeo. Haiba mutu yo abonisa kutabela, mumubonise vidio kamba yeñwi ya lihatiso zeluitusisanga kwa kuluta batu. Halunze lulika ka taata kufita kwa lipilu za batu ba mwa kalulo yaluna ya simu, haike lueze “lika kaufela kabakala taba yende.”—1 Makor. 9:22, 23.

Ki litaba mañi zebakona kutabela hahulu batu ba mwa kalulo yamina ya simu?