“Jehova utabela batu bahae.” (Samu 149:4) Nihaike kuli halusika petahala, wabonanga tulemeno twaluna totunde ni zelukona kueza kwapili. Nihakulicwalo, ka linako zeñwi kukona kulubela hahulu taata kulemuha tulemeno twaluna totunde. Lukona kuikutwa kuli haluba butokwa kabakala moba luezeza babañwi. Kamba, haiba luisa hahulu pilu kwa mafosisa ane luezize kwamulaho, lwakona kukala kukakanya ka za haiba Jehova walulata luli. Ki lika mañi zekona kulutusa haiba lukala kuba ni maikuto acwalo?

Muhupule kuli Jehova ubonanga lika zebasa koni kubona batu. (1 Sam. 16:7) Taba yeo italusa kuli wabona nihaiba lika zelusa koni kubona ka za luna bañi. Ka litohonolo, Bibele ilutusa kuutwisisa mwaluungela Jehova. Lwakona kuutwisisa taba yeo haiba lubala litimana za mwa Bibele ni litaba zebonisa mo Jehova alatela batu baba mulapela.

MUBUHE VIDIO YELI MUBE NI BUIKOLWISO MWA LIPILU ZAMINA FAPILAA JEHOVA, MI KIHONA MUKAALABA LIPUZO ZELATELELA:

• Swanisezo ya ndate ni mwanaa hae yali mumati ilulutañi ka za mwaluungela Jehova?

  Your answer

• Haiba mutu yaezize sibi sesituna aanga mihato yetokwahala kuli abe ni silikani sesinde ni Jehova, ukona kuba cwañi ni buikolwiso mwa pilu yahae fapilaa Jehova?—1 Joa. 3:19, 20

  Your answer

• Muzwale naatusizwe cwañi ki kubala ni kunahanisisa likande la Davida ni Josafati?

  Your answer