KUPILA SINA BAKRESTE

Kana Muitukiselize Miinelo Yetahiswa ki Kutotobela Kwa Sifumu?

MUBAPALE

Likezahalo za mwa lifasi halitahisanga kuli sifumu sitotobele halukomokangi. Kabakalañi? Kabakala kuli lupila kwa mafelelezo a mazazi a mafelelezo mi Bibele ilueleza kusasepa “bufumu bobusa swalehi.” (1 Tim. 6:17; 2 Tim. 3:1) Mutala wa Mulena Josafati ukona kululutañi ka za kuitukiseza miinelo yetahiswa ki kutotobela kwa sifumu?

Josafati hanaafumbezwi ki lila za Maisilaele, asepa Jehova. (2 Makol. 20:9-12) Hape naaezize lika zeñwi kuli naha iitukiseze, atiisa mileneñi ni kuyaha libaka zesilelelizwe. (2 Makol. 17:1, 2, 12, 13) Ka kuswana ni Josafati, ni luna lukaeza hande haiba lusepa Jehova ni kueza lika zeñwi kuli luitukiseze linako zetaata.

KI LIKA MAÑI ZELUKONA KUEZA KULI LUITUKISEZE MIINELO YETAHISWA KI KUTOTOBELA KWA SIFUMU?

Muitukiseze kwa moya: Muitumele kwa lika zemunani, mi mutiise tumelo yamina ya kuli Jehova uka mifa lika zemutokwa ka zazi ni zazi. (Mat. 6:26; 1 Tim. 6:8) Muikatulele kusatuhela kulatelela likuka za mwa Bibele kuli muipumanele lika zemutokwa ka zazi ni zazi. (Maro. 2:21) Munyakisise momukona kuzwelapili kufumanela lico za kwa moya haiba kuba ni butata bwa kutokwa hande malaiti kamba Intaneti. Mubuluke lihatiso lisikai zehatisizwe, mi haiba kwakonahala muikungele cimo lihatiso za kubalela fa kapangaliko.

Muitukiseze kwa mubili: Mufukuze kwa likoloti ni kuleka-leka lika zemusa tokwi pili butata bwa kutotobela kwa sifumu busika taha kale. (Liprov. 22:7) Haiba kwakonahala, mubuluke lico zelikani ni lika zeñwi zetokwahala. Babañwi bacalanga miloho ilikuli babuluke masheleñi.

MUBUHE VIDIO YELI, KANA MUITUKISELIZE LIKOZI ZESIKA LIBELELWA? MI KIHONA MUKAALABA LIPUZO ZELATELELA:

Ki lika mañi zelukona kueza ka butu kuli luitukiseze likozi zesika libelelwa?

Your answer

Lukona kuitukiseza cwañi kutusa babañwi?

Your answer

BUKA YA MUKOPANO WA BUPILO NI BUKOMBWA