May 27–June 2
LISAMU 42-44
Pina 86 ni Tapelo | Manzwi A Makalelo (1 muz.)
1. Mutusiwe Hahulu ki Lituto Zafa Jehova
(10 miz.)
Mulapele Jehova hamoho ni babañwi, mi mueze cwalo ka kufumanehanga kwa mikopano ya Sikreste (Samu 42:4, 5; w06 6/1 9 ¶4)
Mulapele pili musika kalisa kale kuituta Linzwi la Mulimu (Samu 42:8; w12 1/15 15 ¶2)
Mulumeleze niti ya mwa Bibele kuli imietelele mwa lika kaufela zemueza (Samu 43:3)
Lituto zafa Jehova lilutusa kutiyela miinelo yetaata ni kupila ka kulumelelana ni buitamo bone luezize bwa kuli lukazwelapili kusebeleza Jehova kuya kuile.—1 Pit. 5:10; w16.09 5 ¶11-12.
2. Kubatisisa Litaba za Butokwa za Kwa Moya
(10 miz.)
-
Samu 44:19—Pulelo yeli “sibaka mokupila mawawa” mwendi neiama kwañi? (it-1 1242)
-
Ki litaba lifi za butokwa zemuitutile mwa kubala Bibele kwa sunda ye?
3. Kubala Bibele
(4 miz.) Samu 44:1-26 (th tuto 11)
4. Kukalisa Puisano
(4 miz.) FA NDU NI NDU. Mukalise tuto ya Bibele. (lmd tuto 5 sisupo 5)
5. Kukutela Kuambola ni Batu
(5 miz.) FA NDU NI NDU. Mumemele muñaa ndu kwa ngambolo ya nyangela. Mueze inge bababuhisa vidio yeli, Kiñi ze Ezahalanga Kwa Ndu ya Mubuso? mi kihona muka inyakisisa. (lmd tuto 7 sisupo 5)
6. Ngambolo
(3 miz.) lmd litaba zeekelizwe A sisupo 4—Toho ya Taba: Batu Kaufela Bakaba ni Buikangulo Bobunde. (th tuto 2)
Pina 21
7. Mueze Likatulo Zende ka za Musebezi ni Tuto Yepahami
(15 miz.) Puisano.
Babanca, kana musweli kunahana ka za zemuka eza mwa bupilo hamuka feza sikolo? Mwendi ki kale munahana ka za musebezi omubata kueza ili oka mikonisa kueza bupaina. Kamba mwendi musweli kunahana za kueza lituto zeñwi zekona kumitusa kuziba misebezi yemiñwi ya mazoho, kuba ni liñolo lelilumeleza mutu kueza musebezi omuñwi, kamba kuba feela ni pampili yeka mitusa kufumana musebezi ocwalo. Ye ki yona nako yende hahulu mwa bupilo bwamina! Niteñi, mukana mwaikutwa kuli hamuzibi za kueza kabakala buñata bwa lika zemuswanela kuketa kueza kamba kabakala kuli mubata kueza lika zekatabisa babañwi. Ki lika mañi zeko- na kumitusa kueza likatulo zende?
Mubale Mateu 6:32, 33. Kihona mukabuza baputehi kuli:
-
Ki kabakalañi hakuli kwa butokwa kuitomela likonkwani za kwa moya pili musika eza kale likatulo za butokwa ka za musebezi ni ka za tuto yepahami?
-
Bashemi bakona kutusa cwañi bana babona kusebelisa liñolo la Mateu 6:32, 33?—Samu 78:4-7
Mutokomele kuli takazo ya kubata kufuma kamba ya kuipatela libubo hai kukuezi likatulo zamina. (1 Joa. 2:15, 17) Muhupule kuli, kuba ni masheleñi amañata kukona kupaleliswa mutu kuamuhela taba yende ya Mubuso. (Luka 18:24-27) Haiba mutu asebeza ka taata kuli abe ni sifumu kukona kumubela taata kuba ni tumelo yetiile ni kuisa pilu kwa kutabisa Jehova.—Mat. 6:24; Mare. 8:36.
Mubuhise VIDIO yeli, Musike Mwasepa Lika Zefela!—Sifumu. Kihona mukabuza baputehi kuli:
-
Liñolo la Liproverbia 23:4, 5 likona kumitusa cwañi kueza likatulo zende?
8. Tuto ya Bibele ya Puteho
(30 miz) bt kauha. 10 ¶5-12