• Samu 36:6—Walisamu mwendi naatalusañi hanaabulezi kuli kuluka kwa Jehova kuswana sina “malundu akateleha [kamba, “sina malundu a Mulimu,” litaluso ze kwatasi.]”? (it-2 445)

  Kalabo

• Ki litaba lifi za butokwa zemuitutile mwa kubala Bibele kwa sunda ye?

  Kalabo

Mizwale ni likaizeli baluna mwa lifasi kaufela, basinyehelwanga ki maluwo abona ni kushwelwa ki balatiwa babona kabakala likozi za ka taho ni likozi zetahiswanga ki batu. (Samu 9:​9, 10) Ka bumai, “linako za ziyezi” zakona kulutahela ka nako ifi kamba ifi. Kacwalo, kaufelaa luna lutokwa kuitukiseleza cimo pili lusika tahelwa kale ki miinelo yetaata yeo.

Kwandaa feela kuitukiseza kwa mubili, a ki lika mañi zeñwi zekona kulutusa kuitiisa hakuba ni kozi ya ka taho?

• Muitukiseze mwa munahano: Mulemuhe kuli likozi za ka taho zaezahalanga mi munyakisise lika zemukona kueza haiba kuba ni kozi ya ka taho. Musike mwalata hahulu lika zemuluwile. Kueza cwalo kuka mitusa kueza likatulo zende zeka mitusa kusileleza bupilo bwamina ni bwa babañwi mwa sibaka sa kubata kusileleza maluwo amina. (Gen. 19:16; Samu 36:9) Hape, kusalata hahulu lika zemuluwile kuka mitusa kuitiisa ni kuba ni mubonelo oswanela haiba maluwo amina asinyeha hakuba ni kozi ya ka taho.—Samu 37:19

• Muitukiseze kwa moya: Mutiise sepo yamina mwa maata anani ona Jehova ni takazo yahae ya kumibabalela. (Samu 37:18) Pili kusikaba kale ni kozi ya ka taho, kamita muhupulange kuli Jehova ukaetelela ni kutusa batanga bahae nihaikaba kuli mwendi lukapilisa feela bupilo bwaluna.—Samu 37:​23, 24; Jer. 45:5

Haiba luba ni buikolwiso bwa kuli Jehova ukataleleza lisepiso zahae, ukaba ‘yena musilelezi waluna mwa nako ya ziyezi.’—Samu 37:39

Mubuhise VIDIO yeli, Kana Muitukiselize Likozi Zesika Libelelwa? Kihona mukabuza baputehi kuli:

• Jehova ukona kulutusa cwañi hakuba ni kozi ya ka taho?

  Kalabo

• Ki lika mañi zeluswanela kueza kuli luitukiseze likozi za ka taho?

  Kalabo

• Lukona kutusa cwañi batu babatahezwi ki likozi za ka taho?

  Kalabo