Bakreste bababata kukena mwa linyalo banani likatulo zeñata zebaswanela kueza habalukisa mukiti wa bona wa linyalo. Bakona kukukuezwa kuli baeze mukiti omutuna sina mikiti yeeziwanga mwa silalanda sebapila kusona. Balikani ni bahabo bona bakona kubata kuli mukiti uzamaiswe ka nzila yebatela bona. Ki likuka mañi za mwa Bibele zekona kutusa batu babatuha banyalana, kuitukiseza lizazi labona la butokwa ka nzila yende, ili yekatahisa kuli babe ni lizwalo lelikenile ni kuli basike bainyaza hasamulaho?

MUBUHE VIDIO YELI MIKITI YA MANYALO YEKUTEKEHISA JEHOVA, KIHONA MUKAALABA LIPUZO ZELATELELA:

• Likuka za Bibele ze mwa mañolo alatelela nelitusize cwañi bo Nick ni bo Juliana?

  • 1 Makor. 10:31

  • 1 Joa. 2:15, 16

  • Magal. 5:19-21

  • 1 Tim. 2:9

• Ki kabakalañi Bakreste baba bata kunyalana, habaswanela kuketa Mukreste yahulile kwa moya kuli abe “muzamaisi wa mukiti”?—Joa. 2:9, 10.

• Ki likatulo mañi zene baezize bo Nick ni bo Juliana ka za mukiti wa bona wa linyalo, mi kabakalañi?

• Ki mañi yana ni buikalabelo bwa kueza likatulo fa mukiti wa linyalo?—w06 10/15 25 ¶10.