LITABA ZA BUTOKWA ZEZWA MWA LINZWI LA MULIMU | LIVITIKE 4-5
Mufe Jehova Lika Zende ka Kufitisisa
Mwa Isilaele, kuba mubotana nekusa koni kupalelwisa mutu kuba mwa kozo ni Jehova. Nihaiba Maisilaele bane bali babotana ka kufitisisa nebakona kufa nubu yetabisa Jehova, ibile feela nebaikataza kufa zende ka kufitisisa. Nebakona kufa fulaulo, kono Jehova naabata kuli bafe “yenekile,” ili mufuta wa fulaulo yene itusiswa kwa kulukiseza lico muenyi yakutekeha. (Gen. 18:6) Kacenu, Jehova waamuhela “sitabelo sa milumbeko” sesinde ka kufitisisa selu mufa, kusina taba kuli miinelo yaluna yalupalelwisa kueza zeñata.—Maheb. 13:15.
Taba ye ikona kumisusueza cwañi haiba hamusa kona kueza lika zene muezanga kwamulaho, mwendi ka libaka la kuli semunani mapongo kamba hamusana hande maata?
