KUPILA SINA BAKRESTE
Kuekeza Kwa Buikoneli Bwaluna Mwa Bukombwa—Kukutaza ka Kuitusisa Foni
LIBAKA KUEZA CWALO HAKULI KWA BUTOKWA: Kukutaza ka foni ki nzila yeñwi ya butokwa yekona kulutusa kupaka “ka kutala taba yende.” (Lik. 20:24) * Ka kuitusisa foni, lwakona kukutaza kwa batu haiba miinelo ilupalelwisa kukutaza ka kubapotela fa mandu abona
MWAKUEZEZA CWALO:
-
Muitukiseze. Mukete taba yeswanela. Kihona mukañola litaba zemubata kubulela. Hape mwakona kuitukiseza manzwinyana atalusa mulelo wamina ili emukona kubulela haiba mutalusezwa kusiya lushango. Ki kwa butokwa kuina kwa tafule inze munani litaba zemuñozi ni lika zeñwi zemutokwa zecwale ka JW Library® kamba jw.org® yekwaluzwi kale fa kapangaliko kamina
-
Mubulele ka kuiketa. Mubulele sina momuambolelanga. Mumenye ni kuitusisa liponiso za lilama za mubili inge kuli mutu yo wamibona. Musike mwakutumana-kutumana fokusa swaneli. Kwatusa kubeleka ni babañwi. Haiba muñaa ndu abuza puzo, mukutele kubuza puzo yeo ka kutumusa kuli yemubeleka ni yena aiutwe mi amituse kufumana kalabo
-
Mulukise za musipili wa makutisezo. Haiba muñaa ndu abonisa kutabela, mumusiyele puzo yemuka alaba nako yetatama hamuka mulizeza. Hape mwakona kumusepisa kumulumela hatiso ka kuitusisa Intaneti kamba kumuiseza yona ka butu. Kamba mwakona kumusepisa kumulumela vidio kamba hatiso yeñwi ka kuitusisa kashango fa foni kamba fa Intaneti. Haiba kwaswanela, mutaluseze mutu yo ka za litaba zefumaneha fa webusaiti yaluna za kuituta Bibele kamba nto yeñwi ye fa webusaiti yaluna
^ para. 3 Haiba kukutaza ka kuitusisa foni kwalumelezwa mwa sibaka semupila ku sona, mubone teñi kuli mukutalezo wo uzamaelela ni milao yeama mwakuitusiseza litaba za batu.
