8:6-9, 12; 9:1-5, 23, 24

Jehova naatahisize mulilo one ucisize sitabelo sa kucisa sapili sanaafile Aruni ni bana bahae bane basazo ketiwa kuba baprisita. Taba ye, neibonisize kuli Jehova naayemela ni kutabiswa ki tukiso ye. Ka kueza cwalo, Jehova naasusuelize sicaba kaufela sene siiponezi kezahalo yeo kuli siyemele ka kutala tukiso ya buprisita. Kacenu, Jehova uitusisa Jesu Kreste yapahamisizwe, yena Muprisita Yapahami ka kufitisisa. (Maheb. 9:11, 12) Ka silimo sa 1919, Jesu naaketile sikwatanyana sa baana babatozizwe ka moya wa Mulimu kuli babe “mutanga yasepahala yanani kutwisiso.” (Mat. 24:45) Ki bupaki mañi bobubonisa kuli mutanga yasepahala wafuyaulwa ni kutusiwa ki Jehova?

• Kusina taba ni nyandiso yezwelapili, mutanga yasepahala uzwezipili kufa lico za kwa moya

• Sina mone kupolofitezwi, taba yende isweli yakutazwa “mwa lifasi kaufela.”—Mat. 24:14

Lukona kuyemela cwañi ka kutala mutanga yasepahala yanani kutwisiso?