Jehova ki yena yatahisa kuli peu ya niti imele ni kuhula mwa pilu ya mutu. (1 Makor. 3:6-9) Kacwalo, kuli lukone kukondisa mwa bukombwa, luswanela kuitinga ku Jehova kuli alutuse ni kutusa baituti baluna ba Bibele.

Mukupe Jehova kuli atuse baituti bamina kutiyela miinelo yetaata ni kutula miliko. (Mafil. 1:9, 10) Mukupange ka kunonga. Mukupe moya okenile kuli uetelele zemunahana ni zemueza. (Luka 11:13) Mulute baituti bamina ba Bibele mwa kulapelela mi mubasusueze kuli balapelange. Mulapelange ni baituti bamina ba Bibele ni kubalapelela mi mupundange mabizo a bona.

MUBUHE VIDIO YELI MUBE NI TABO MWA MUSEBEZI WA KUTUSA BATU KUBA BALUTIWA KA KUEKEZA KWA BUIKONELI BWAMINA MWA BUKOMBWA—MUAMUHELE TUSO YAMIFA JEHOVA—TAPELO, MI KIHONA MUKAALABA LIPUZO ZELATELELA:

• Bo Neeta nebakopani ni muinelo mañi otaata hane baituta ni bo Tabo?

• Liñolo la 1 Makorinte 3:6 nelitusize cwañi bo Neeta?

• Bo Neeta nebatatuluzi cwañi muinelo one bakopana ni ona?