Lubonisa kuli lwasepahala ku Jehova isiñi feela mwa lika zelubulela kamba zelueza kono ni mwa lika zelunahana. (Samu 19:14) Ki lona libaka Bibele hailususueza kuli lunahanisise ka za lika kaufela zeli za niti, zeli za butokwa, zelukile, zekenile, zelatiwa, zebulelwa hande, zende, ni zelukela kulumbwa. (Mafil. 4:8) Niti ki kuli, halukoni kutibela mihupulo yemaswe nako kaufela. Nihakulicwalo, kuba ni buiswalo kwakona kulutusa kutuhela kunahana lika zemaswe ni kukala kunahana lika zende. Haiba luba babasepahala mwa lika zelunahana lukazwelapili kuba babasepahala ni mwa lika zelueza.—Mare. 7:​21-23.

Mwatasaa mañolo alatelela, muñole mihupulo yeluswanela kuambuka:

Maro. 12:3

Luka 12:15

Mat. 5:28

Mafil. 3:13