November 18-24
LISAMU 107-108
Pina 7 ni Tapelo | Manzwi A Makalelo (1 muz.)
1. “Muitumele ku Jehova, Kakuli ki Yomunde”
(10 miz.)
Jehova ululukuluzi kwa lifasi la Satani le, sina feela mwanaalukululezi Maisilaele mwa buhapiwa mwa Babilona (Samu 107:1, 2; Makolo. 1:13, 14)
Buitumelo bwaluna ku Jehova bulususuezanga kumulumbeka mwa puteho (Samu 107:31, 32; w07 4/15 20 ¶2)
Lukona kubonisa hahulu buitumelo bwaluna ku Jehova haiba lunahanisisa lika kaufela zaluezelize (Samu 107:43; w15 1/15 9 ¶4)
2. Kubatisisa Litaba za Butokwa za Kwa Moya
(10 miz.)
-
Samu 108:9—Ki kabakalañi Moabi mwendi hanaa bapanyizwe kwa ‘mukeke wa Mulimu wa kutapela’? (it-2 420 ¶4)
-
Ki litaba lifi za butokwa zemuitutile mwakubala Bibele kwa sunda ye?
3. Kubala Bibele
(4 miz.) Samu 107:1-28 (th tuto 5)
4. Kukalisa Puisano
(3 miz.) KUKUTAZA KA KUTANDAALELWA. (lmd tuto 1 sisupo 4)
5. Kukutela Kuambola ni Batu
(4 miz.) KUKUTAZA KA KUTANDAALELWA. Mutaluseze mutu yemuikambota ni yena ka za tukiso ya tuto ya Bibele, mi mumufe kadi yezibahaza ka za tuto ya Bibele. (lmd tuto 9 sisupo 3)
6. Ngambolo
(5 miz.) ) ijwyp 90—Toho ya Taba: Nikona Kuambuka Cwañi Kuba ni Mubonelo Ofosahalile? (th tuto 14)
Pina 46
7. Lwaopelanga Kuli Luitumele ku Jehova
(15 miz.) Puisano.
Jehova hasaalukuluzi Maisilaele bane basabile hahulu kwa mpi yemaata ya Maegepita kwa Liwate Lelifubelu, batu nebaitumezi ka kumuopelela pina kabakala lika zanaa baezelize. (Exo. 15:1-19) Baana nebaetelezi mwa kuopela pina yenca yeo. (Exo. 15:21) Jesu ni Bakreste ba kwa makalelo ni bona nebaopelezi Mulimu lipina za milumbeko. (Mat. 26:30; Makolo. 3:16) Luzwelapili kubonisa buitumelo bwaluna ku Jehova ka kuopelanga kwa mikopano ya puteho, ya mipotoloho, ni yemituna. Ka mutala, pina yelusazo opela yeli, “Lwaitumela ku Wena, Jehova,” izwezipili kuopelwanga kwa mikopano yaluna kuzwa feela ka silimo sa 1966.
Mwa lizo zeñwi, baana bakona kuikutwa maswabi kuopela mwa sicaba. Babañwi habatabelangi kuopela bakeñisa kuli baikutwa kuli habazibi hande kuopela. Nihakulicwalo, luswanela kuhupulanga kuli kuopela haluli kwa mikopano yaluna ki kalulo ya bulapeli bwaluna. Kopano ya Jehova iezanga buikatazo bobutuna kuli ilukise lipina zende ni kuketa lipina zeswanela fa mukopano ni mukopano. Luna zeluswanela feela kueza ki kuopela hamoho ni babañwi kuli lubonise lilato ni buitumelo bwaluna ku Ndataa luna wa kwa lihalimu.
Mubuhise VIDIO yeli, Koizwelela Kopano Yaluna—Tukiso ya Kuopela Lipina, Kalulo 2. Kihona mukabuza baputehi kuli:
-
Ki lika mañi zeneezahezi mwa silimo sa 1944?
-
Mizwale baluna ba mwa Siberia nebabonisize cwañi buitumelo bwabona bwa kuopela lipina za Mubuso?
-
Ki kabakalañi Lipaki za Jehova habaanga kuopela kuba nto ya butokwa hahulu?
8. Tuto ya Bibele ya Puteho
(30 miz.) bt kauha. 18 ¶6-15
