LIBAKA KUEZA CWALO HAKULI KWA BUTOKWA: Jesu naalutile kuli lilato likazibahaza balutiwa bahae. (Joa. 13:34, 35) Kuli lubonise lilato leliswana ni lanaabonisize Kreste, luswanela kuisa pilu babañwi ni kuambuka kufilikananga.—1 Makor. 13:5.

MWAKUEZEZA CWALO:

• Mutu yomuñwi habulela kamba kueza nto yemiutwisa butuku, mukutumane ni kunyakisisa libaka mutu yo haezize cwalo ni zekona kuzwa mwa lika zemulela kueza.—Liprov. 19:11

• Muhupulange kuli kaufelaa luna halusika petahala, mi ka linako zeñwi lubulelanga kamba kueza lika zene lusika lela

• Mutatululange lifapahano ka bubebe

MUBUHE VIDIO YA “MULATANE MWAHALAA MINA”—MUHANE BUITATI NI KUFILIKANA,  MI KIHONA MUKAALABA LIPUZO ZELATELELA:

• Bo Larry nebafilikani cwañi bo Tom hane bafile akalezo?

• Kukutumana ni kunahanisisa nekutusize cwañi bo Tom kuli basike bafilikana?

• Kalabo ya bo Tom yebunolo neitusize cwañi kuli batatulule butata?