Jesu naashaezi “taba yende ya Mubuso wa Mulimu.” (Luka 4:43) Hape naalutile batu kuli balapele ka za Mubuso wo. (Mat. 6:9, 10) Mwa kweli ya November, lukaeza molukonela kaufela kuli luzibahaze Mubuso wa Mulimu. (Mat. 24:14) Mulukise miinelo yamina kuli mukone kuabana ka kutala mwa mungendenge wo. Babaka eza bupaina bwa kutusa mwa kweli ye, bakona kuketa kubiha lihora ze 30 kamba ze 50.

Mubale liñolo la mwa Bibele lelibulela za mubuso wa Mulimu kwa batu babañata mwa kalulo yamina ya simu. Hamuketa liñolo, mubeye mwa munahana lika zebalumela bateelezi bamina. Haiba mutu yemuambola ni yena abonisa kutabela fa musipili wapili, mumufe magazini ya Tawala ya Mulibeleli ya nyangela ya No. 2 2020. Mi mukutele ka bubebe kwa batu bababonisize kutabela, ni kuikataza kukalisa Tuto ya Bibele ka kuitusisa yeñwi ya lihatiso zeluitusisanga kwa kuluta batu. Kusiyezi feela nako yenyinyani kuli Mubuso wa Mulimu uyundise mibuso kaufela yelwanisa Mubuso wahae. (Dan. 2:44; 1 Makor. 15:24, 25) Kacwalo, haike luitusise kolo yeipitezi ye kuli lubonise kuli lwayemela Jehova ni Mubuso wahae!