KUPILA SINA BAKRESTE
Kuekeza Kwa Buikoneli Bwaluna Mwa Bukombwa —Kususueza Batu Babalata Kuituta Kuli Bafumanehange Kwa Mikopano
LIBAKA KUEZA CWALO HAKULI KWA BUTOKWA: Kwa mikopano lwabanga ni nako ya ‘kuopelela’ Jehova ni ‘kumulumbeka.’ (Samu 149:1) Kwa mikopano, lulutiwanga kueza tato ya Mulimu. (Samu 143:10) Batu babatabela ni baituti ba Bibele bakona kueza zwelopili yetuna habakala kufumaneha kwa mikopano.
MWAKUEZEZA CWALO:
-
Mubamemele kwa mikopano isali kwa makalelo feela. Hamutokwi kulibelela kuli konji hase mukalisize kuituta Bibele.—Sin. 22:17
-
Mutaluseze mutu yatabela zakayo bona ni zekayo itutiwa kwa mikopano. Lika zelatelela zakona kutusa mwa muinelo wo: pampili ya kumemela batu kwa mikopano ya puteho, vidio ya Kiñi ze Ezahalanga Kwa Ndu ya Mubuso?, ni lituto 5 ni 7 za broshuwa ya Tato ya Jehova
-
Muitatele kutusa. Kana mutu yatabela yo utokwa kutusiwa kuli ayo fumaneha kwa mikopano kamba kumutusa kuketa liapalo zeswanela? Muine bukaufi ni yena kwa mikopano, mi muitusise lihatiso zamina hamoho ni yena. Mumuzibahaze ku babañwi