Mwa kweli ya November, lukaeza buikatazo bobuipitezi bwa kutaluseza babañwi taba yende ya kuli lifasi lelinde lifakaufi. (Samu 37:10, 11; Sin. 21:3-5) Mulukise tomahanyo yamina kuli muabane ka kutala mwa musebezi oipitezi wo. Haiba mukupa kusebeza sina paina wa kutusa mwa kweli yeo, mwakona kuketa kubiha lihora ze 30 kamba 50.

Muitukiseze kubala liñolo lelibulela za lifasi lelinca kwa batu babañata. Hamuketa liñolo, munyakisise zebakona kutabela batu mwa kalulo yamina ya simu. Haiba mutu yomuñwi abonisa kutabela fa musipili wapili, mumufe magazini ya nyangela ya Tawala ya Mulibeleli No. 2 2021. Kihona mukalukisa za kukutela kuyena kapili, mi mulike kukalisa tuto ya Bibele ka kuitusisa broshuwa ya Muikole Bupilo Kuya Kuile! Kwatabisa kueza zeñata mwa musebezi wa kutaluseza babañwi “taba yende ya lika zende hahulu”!—Isa. 52:7.

MUBUHE VIDIO YA PINA YELI LIFASI LELINCA, MI KIHONA MUKAALABA LIPUZO ZELATELELA:

• Ki lika mañi zende zekaezahala kwapili zekanahana kasizana ka?

• Ki lika mañi zekaba teñi mwa lifasi lelinca zemunyolelwa hahulu?

• Kunahanisisa za sepo yamina kuka mitusa cwañi kuitukiseza kuabana hahulu mwa musebezi oka ezwa mwa November?—Luka 6:45