Fa likepe lapili la webusaiti yaluna, kunani litaba ni mavidio zelukiselizwe batu ba lipilu zende babasi lipaki za Jehova. (Lik. 13:48) Hañata libonisanga litaba ze mwa makande kamba litaba zebanahana hahulu batu ni kuambola.

Mukona kuitusisa cwañi likepe lapili la webusaiti yaluna ya jw.org mwa bukombwa?

• Mutatubange fa webusaiti nako kaufela. Mulemuhe litaba zeliteñi fateñi, mi munahanisise momukona kuitusiseza litaba zeo kuli mutuse mutu yatabela. (Kuli mufumane litaba zenebeilwe fa likepe lapili cwanoñu fa, musine fokuñozwi kuli “Mubale Litaba Zeñwi.”) Kukenanga fa webusaiti yaluna nako kaufela kuka mitusa kuziba litaba zenca zemukona kuitusisa mwa bukombwa.

• Muitusise litaba ni mavidio zeliteñi fa likepe lapili la webusaiti yaluna kuli mukalise puisano ni mutu. Litaba ze zakona kulutusa kuziba zebasweli kunahana batu mwa kalulo ya simu yaluna.

• Mubonise batu likepe lapili la webusaiti yaluna. Mulemuhe litaba zekona kubatusa, mi mubabonise mobakona kufumanela litaba fa webusaiti yaluna.

• Mulume linki. Batu babañwi habatabeli kuikambota ni luna pata ka pata, kono batabela kukena fa webusaiti yaluna. Kacwalo musike mwazina-zina kulumela mutu yatabela linki yeka mulibisa fa likepe lapili la webusaiti yaluna kamba kwa taba kamba vidio yefumaneha fateñi.