KUPILA SINA BAKRESTE

Mutuse Batu Babasa Lapeli Kuli Bafite fa Kuziba Mubupi Wabona

MUBAPALE

Kana fokuñwi mwapalelwanga kukutaza kwa batu babasa lapeli, ka kunahana kuli mwendi habana kuteeleza kwa lushango lwamina? Haiba ki cwalo, muhupule kuli batu babañata bane basa lapeli, kukopanyeleza cwalo ni batu bane basa lumeli kuli Mulimu uteñi, sebabile Lipaki za Jehova. Hañata, nto yene batokwa feela ki kutusiwa kunyakisisa bupaki bobubonisa kuli Mulimu uteñi luli.—Maro. 1:20; 10:14.

MUBUHE VIDIO YELI, MUHUPULE KULI BABASINA TUMELO BAKONA KUBA NI TUMELO!—BATU BABASA LAPELI, MI KIHONA MUKAALABA PUZO YELATELELA:

Zene baipumani ku zona bo Tommaso likona kumitusa cwañi kuba ni mubonelo omunde ka za kukutaza kwa batu babasa lapeli?

Kalabo

Mwakuezeza cwalo

Haiba mutu abulela kuli haalumeli ku Mulimu, muambole ni yena ka sishemo, ka maseme, mi mumubonise kuli mwatabela maikuto ahae ka za taba yeo. (2 Tim. 2:24) Munyakisise ni yena litaba zakona kutabela. Kana watabela kunyakisisa ni yena bupaki bobutahisize kuli batu babañata balumele kuli kunani Mubupi? Haiba ki cwalo, muitusise lihatiso ni mavidio alukiselizwe mulelo wo. Broshuwa yeli, Was Life Created? ni yeli, Lipuzo ze 5 ka za Mone Bukalezi Bupilo, liekelizwe kwa lihatiso zeluitusisanga kwa kuluta batu ilikuli lifumanwe ka bunolo.

Kwa makalelo, mwendi mwakona kuzina-zina kuikambota lushango lwa niti ni mutu yasalumeli kuli Mulimu uteñi. Mukupe muhasanyi yanani yeloseli kuli amituse. Hape muhupule kuli, Jehova wakona kulutusa kufita kwa lipilu za batu ba lipilu zende, nihaike kuli kwa makalelo nebasa lumeli kuli uteñi luli.—Lik. 13:48.

BUKA YA MUKOPANO WA BUPILO NI BUKOMBWA