Batu baba lukataza bakona kulutahiseza butata kwa mubili ni mwa munahano. Mane bakona kulufokolisa kwa moya haiba lukenelwa ki sabo ka nako yebalwanisa bulapeli bwaluna. Mukona kuisileleza cwañi kwa batu babalata hahulu kukataza babañwi?

Batanga ba Jehova babañata bakonile kutiyela butata bwa kukatazwa ki babañwi ka kuitinga ku Jehova. (Samu 18:17) Ka mutala, Estere naapatuluzi milelo ya muuna yamaswe yabizwa Hamani. (Est. 7:​1-6) Asika eza kale cwalo, naabonisize kuli uitingile ku Jehova ka kuitima lico. (Est. 4:​14-16) Jehova naafuyauzi buikatazo bwahae mi naamusilelelize ni sicaba sahae.

Babanca, haiba mukatazwa ki batu babañwi, mukupe tuso ku Jehova mi muambole ni batu babañwi babahulile ka za butata bo, inge cwalo bashemi bamina. Mwakona kukolwa kuli Jehova uka mitusa sina feela mwanaa tuselize Estere. Ki lika mañi zeñwi zemukona kueza kuli mutiyele butata bwa kukatazwa ki babañwi?

MUBUHE VIDIO YELI, ZENEEZAHEZI MWA BUNCA BWAKA—KI LIKA MAÑI ZEKONA KUNITUSA HANIKATAZWA KWA SIKOLO? MI KIHONA MUKAALABA LIPUZO ZELATELELA:

• Babanca bakona kuitutañi kwa mutala wa bo Charlie ni bo Ferin?

  Kalabo

• Bashemi bakona kuitutañi ku zene babulezi bo Charlie ni bo Ferin kuli bakone kutusa bana babona kutiyela butata bwa kukatazwa ki babañwi?

  Kalabo