October 7-13
LISAMU 92-95
Pina 84 ni Tapelo | Manzwi A Makalelo (1 muz.)
1. Kusebeleza Jehova ki Yona Nto Yende Hahulu ka Kufitisisa!
(10 miz.)
Jehova ki yena yeluswanela kulapela (Samu 92:1, 4; w18.04 26 ¶5)
Utusanga batu bahae kueza likatulo zende ni kubatusa kuba ni tabo (Samu 92:5; w18.11 20 ¶8)
Waitebuha batu baba musebeleza niha sebasupezi (Samu 92:12-15; w20.01 19 ¶18)
MUIPUZE KULI, ‘Ki lika mañi zenipaleliswa kuineela ku Jehova ni kukolobezwa?’
2. Kubatisisa Litaba za Butokwa za Kwa Moya
(10 miz.)
-
Samu 92:5—Manzwi a kwa liñolo le abonisa cwañi butali bwa Jehova? (cl 176 ¶18)
-
Ki litaba lifi za butokwa zemuitutile mwakubala Bibele kwa sunda ye?
3. Kubala Bibele
(4 miz.) Samu 94:1-23 (th tuto 5)
4. Kukalisa Puisano
(4 miz.) KUKUTAZA KA KUTANDAALELWA. Hamunze muikambota ni mutu, mubate nzila yemukona kumutaluseza ka yona za musebezi omueza ka kuba baluti ba Bibele. (lmd tuto 5 sisupo 3)
5. Kukutela Kuambola ni Batu
(3 miz.) KUKUTAZA KA KUTANDAALELWA. Mukalise tuto ya Bibele ku mutu yatabela ili yanaahanile kuituta Bibele kwamulaho. (lmd tuto 8 sisupo 4)
6. Kuluta Batu Kuba Balutiwa
(5 miz.) Muikambote ni muituti wa Bibele yasaezi zwelopili. (lmd tuto 12 sisupo 5)
Pina 5
7. Babanca Habaimezwa ki Lipilaelo
(15 miz.) Puisano.
Batu babasebeleza Jehova ni bona babanga ni lipilaelo. Ka mutala, Davida naabanga ni lipilaelo ka linako zeshutana-shutana mwa bupilo bwahae, mi ni mizwale baluna babañata kacenu bakopana ni muinelo oswana. (Samu 13:2; 139:23) Ka bumai, nihaiba babanca babanga ni lipilaelo. Ka linako zeñwi, lipilaelo likona kutahisa kuli lika zeluezanga kamita, zecwale ka kuya kwa sikolo kamba kufumaneha kwa mikopano ya puteho, libonahale inge kuli zaluimeza. Lipilaelo hape likona kutahisa kuli mutu aikalelwe hahulu kamba kuba ni maikuto a kubata kuipulaya.
Babanca, haiba muikutwa kuimezwa hahulu ki lipilaelo, muambole ni bashemi bamina kamba mutu yomuñwi yahulile. Hape mulapele ku Jehova kuli amituse. (Mafil. 4:6) Uka mitusa. (Samu 94:17-19; Isa. 41:10) Munyakisise zeneezahezi ku bo Steing.
Mubuhise VIDIO yeli, Jehova Naanibabalezi. Kihona mukabuza baputehi kuli:
• Ki liñolo mañi lene litusize bo Steing, mi ki kabakalañi hane libatusize?
• Jehova naabababalezi cwañi?
Bashemi, mwakona kutusa bana bamina kutiyela lipilaelo haiba muteeleza ku bona ka pilu-telele, kubabonisa lilato, ni kubatusa kuba ni buikolwiso bwa kuli Jehova wabalata. (Tite 2:4; Jak. 1:19) Muitinge ku Jehova kuli amiomba-ombe ni kumifa maata emutokwa kuli mutuse bana bamina.
Halukoni kuziba haiba mwa puteho yaluna kunani mutu yakatazwa ki lipilaelo mi halukoni kuutwisisa mwaikutwela. Nihakulicwalo, lwakona kutusa batu kaufela mwa puteho yaluna kuikutwa kuamuhelwa ni kulatiwa.—Liprov. 12:25; Maheb. 10:24.
8. Tuto ya Bibele ya Puteho
(30 miz.) bt kauha. 16 ¶6-9, mbokisi yefa like. 132
