Ku Zwa Kwa Egepita Ku Ya Kwa Naha Ya Sepiso

BATU kai ni kai b’a ziba ka za Mututo wa ku zwa kwa Egepita. Kono ki lifi ze n’e ka ezahala ku Mushe ni sicaba sa Mulimu ha ne ba ka sila Liwate le Lifubelu? Ne ba libile kai, mi ne ba fitile cwañi kwa Nuka ya Jordani kuli ba kene mwa Naha ya Sepiso?

Mulelo wa bona ne li ku yo kena mwa naha ya Kanana, niteñi Mushe na si ka fita nzila ye kuswani—ye bat’o eza likilomita ze 400 ye fita kwa likamba le li na ni lishabati—ili ye n’e ka pululeza mwa Filisita, naha ya lila za bona. Mi n’a si ka fita sikuli se situna sa Sinai fahali, ili sibaka sa lucwe ni pepa se si lumbile, se si cisa, se si omile ñoo. Kono Mushe n’a libisize sicaba seo kwa mboela, ka ku fita mwa libala le li kumbani la kwa likamba. Pili ne ba il’o tibelela kwa Mara, k’o Jehova n’a natifalelize mezi a baba. * Ha se ba zwile kwa Elimi, sicaba sa kala ku bilaela lico; Mulimu a luma makwali a taha mi hamulaho a luma manna. Kwa Refidimi, sicaba hape sa bilaela ka za mezi, sa tula Maamaleke be ne ba si lwanisa, mi Mushe a susuezwa ki mukwenyan’a hae ku kupa tuso kwa banna ba ba butali.—Ex, likauha. 15-18.

Ku tuha f’o, Mushe a libisa Isilaele kwa malundu a kwahule kwa mboela, ili ku yo tibelela kwa Lilundu la Sinai. Teñi k’o, sicaba sa Mulimu sa fiwa Mulao, sa yaha tabernakele, ni ku fa matabelo. Ka silimo sa bubeli, ba liba kwa mutulo ka ku fita mwa ‘lihalaupa le lituna, le li sabisa,’ mi ku bonahala kuli musipili wa ku ya kwa Kadeshi (Kadeshi-Baranea) n’o tandile mazazi a’ 11. (De 1:1, 2, 19; 8:15) Kabakala ku sabiswa ki piho ye zwafisa ya matwela b’a lishumi, sicaba ne si yambaezi lilimo ze 38. (Nu 13:1–14:34) Ze ñwi za libaka ze ne ba tibelezi ku zona ki Aburona ni Ezioni-Geberi, mi ku tuha f’o ba kuta kwa Kadeshi.—Nu 33:33-36.

Nako ha ne i fitile ya kuli Isilaele i atumele Naha ya Sepiso, Maisilaele ne ba si ka liba kwa mutulo. Ne ba ile ka nzila ye kekuluha kalulo ya butokwa ya Edomo ni ku liba kwa “likululu la mulena.” (Nu 21:22, NW; De 2:1-8) Ne ku si bunolo kuli sicaba kaufela—ni banana, limunanu, ni litende—si fite mwa kanzila kao. Ne ba na ni ku picauka mwa likisi ze tungile, ili ze sabisa—zona za Zeredi ni Arinoni (ze bat’o eza butungi bwa limita ze 520).—De 2:13, 14, 24.

Kwa mafelelezo, Maisilaele ba fita kwa Lilundu la Nebo. Miriame n’a s’a shwezi kwa Kadeshi, mi Aruni n’a shwezi kwa Lilundu la Hori. Mushe a shwela mwa sibaka mwa n’a konile ku bona naha ya n’a nyolelwa ku kena ku yona. (De 32:48-52; 34:1-5) Joshua a lwala buikalabelo bwa ku isa Isilaele kwa Naha ya Sepiso, ili ku feza gusipili o n’o kalilwe lilimo ze 40 kwamulaho.—Jos 1:1-4.

[Litaluso za kwatasi]

[Mbokisi fa likepe 8]

LIBUKA ZA MWA BIBELE ZE N’E ÑOZWI MWA LINAKO ZEO:

Genese

Exoda

Livitike

Numere

Deuteronoma

Jobo

Lisamu (kalulo ya yona)

 [Mapa ye fa likepe 9]

(Kuli mu bone mo i hatiselizwe luli, mu bone hatiso)

Nzila ye ne ba fitile Maisilaele ha ba zwa mwa Egepita

Nzila Mo Ne ku Fitile Maisilaele

A7 EGEPITA

A5 Ramisese?

B5 Sukoti?

C5 Etami?

C5 Pi-Hahiroti

D6 Mara

D6 Elimi

E6 LIHALAUPA LA SINI

E7 Dofoka

F8 Refidimi

F8 Lilundu la Sinai (Horebe)

F8 LIHALAUPA LA SINAI

F7 Kiburoti-Hatava

G7 Hazeroti

G6 Rimoni-Perezi

G5 Risa

G3 Kadeshi

G3 Bene-Jakana

G5 Hori-Hagidigadi

H5 Jotobata

H5 Aburona

H5 Ezioni-Geberi

G3 Kadeshi

G3 LIHALAUPA LA ZINI

H3 Lilundu la Hori

H3 Zalumona

I3 Punoni

I3 Iye-Abarimi

I2 MOABI

I1 Diboni

I1 Alumoni-Dibilataimi

H1 Jeriko

[Libaka ze n’wi]

A3 GOSHENI

A4 Ono

A5 Memfisi (Nofi)

B3 Zoani

B3 Takapanesi

C5 Migidoli

D3 SHURI

D5 LIHALAUPA LA ETAMI

F5 LIHALAUPA LA PARANI

G1 FILISITA

G1 Ashidodi

G2 Gaza

G2 Beeresheba

G3 Azimoni

G3 NEGEBI

H1 Jerusalema

H1 Hebroni (Kiryati-Ariba)

H2 Aradi (wa Makanana)

H4 SEIRI

H4 EDOMO

I7 MIDIANI

Linzila ze Tuna

Nzila Ye Ya kwa Naha ya Mafilisita

Nzila Ye Ya kwa Shuri

14 Likululu la Mulena

Nzila ya Milongolongo ya Bazamai

Nzila ya El Haj

[Malundu]

F8 Lilundu la Sinai (Horebe)

H3 Lilundu la Hori

I1 Lilundu la Nebo

[Masa]

E2 Liwate la Mediteranea (Liwate le Lituna)

D7/G7 Liwate le Lifubelu

I1 Liwate la Lizwai

[Nuka]

A6 Nuka ya Nile

F3 Musindi wa Egepita

I2 Arinoni

I3 Zeredi

[Siswaniso se si fa likepe 8]

Milongolongo ya bazamai ne i fitile Sikuli sa Sinai fahali

[Siswaniso se si fa likepe 8]

Isilaele ne i tibelezi kwa Lilundu la Sinai

[Siswaniso se si fa likepe 9]

Mezi n’a fumaneha kwa liliba za kwa Kadeshi kamba fakaufi ni yona

[Siswaniso se si fa likepe 9]

Isilaele kaufela ne i na ni ku fita Musindi wa Arinoni fahali