Manzwi A Bupolofita A’ Tiisa Pilu A’ Mi Ama
Kauhanyo 2
Manzwi A Bupolofita A’ Tiisa Pilu A’ Mi Ama
1. Ki kabakalañi ha lu swanela ku isa pilu kwa bupolofita bwa Isaya?
ISAYA n’a ñozi buka ye bizwa ka libizo la hae ibat’o ba lilimo ze 3,000 kwamulaho k’o, kono ki ya butokwa hahulu ku luna kacenu. Lwa kona ku ituta likuka za butokwa ku ze ne ezahezi kwamulaho za n’a ñozi. Mi lwa kona ku tiisa tumelo ya luna ka ku ituta bupolofita bwa n’a ñozi ka libizo la Jehova. Ee, Isaya ne li mupolofita wa Mulimu ya pila. Jehova n’a mu buyelezi ku ñola cimo litaba ze ne ka ezahala kwapili pili li si ka ezahala kale. Kacwalo Jehova n’a bonisize kuli wa kona ku polofita ni ku toma lika za kwapili. Ha se ba itutile buka ya Isaya, Bakreste ba niti ba kolwa kuli Jehova u ka taleleza lisepiso za hae kaufela.
2. Ki ufi muinelo o n’o li teñi mwa Jerusalema Isaya ha n’a ñola buka ya hae ya bupolofita, mi ne ku ka ba ni cinceho mañi?
2 Isaya ha t’o feza ku ñola bupolofita bwa hae, Jerusalema ne se i bandukile ku lwaniswa ki Asirya. Tempele ne i sa yemi, mi batu ne ba ikezeza za bona sina mo ne se ba ezelize ka lilimo-limo. Kono muinelo wo ne u ka cinca. Ne ku ka taha nako yeo sifumu sa malena ba Majuda ne si ka iswa kwa Babilona mi batangana ba Majuda ne ba ka ba linumbulwa mwa muleneñi w’o. * (Isaya 39:) Zeo ne li ka t’o ezahala hamulaho wa lilimo ze fitelela 100.— 6-72 Malena 24:12-17; Daniele 1:19.
3. Ki lufi lushango lo lu mwa Isaya kauhanyo 41?
3 Kono lushango lwa Mulimu ka Isaya haki lushango fela lwa sinyeho. Kauhanyo 40 ya buka ya hae i kala ka pulelo ye li “A mu tiise pilu.” * Majuda ne ba ka tiiswa lipilu ka sepiso ya kuli bona kamba bana ba bona ne ba ka kona ku kutela habo bona. Kauhanyo 41 i zwisezapili lushango lo lu tiisa pilu l’o mi i polofita kuli Jehova n’a ka tisa mulena ya m’ata kuli a taleleze tato ya Hae. I na ni litiisezo mi i fa susuezo ya ku sepa Mulimu. Hape i patulula kuli milimu ya buhata ye ba sepile macaba ha i na m’ata. Zeo kaufela li tiisa hahulu tumelo mwa miteñi ya Isaya ni ya luna.
Jehova U Zekisa Macaba
4. Jehova u zekisa macaba ka ku bulela manzwi afi?
4 Jehova ka mupolofita wa hae u li: “A mu kuze mina lioli, mu ni teeleze; macaba a itiise, a sutelele; a bulele, a li: A lu yeñi hamoho kwa ku zeka.” (Isaya 41:1) Ka manzwi ao, Jehova u zekisa macaba a’ lwanisa batu ba hae. Macaba ao a yeme fapil’a hae ni ku itukiseza ku bulela! Sina mo lu ka bonela hasamulaho, Jehova u eza inge kuli ki muatuli mwa kuta. U laela kuli macaba ao a pake kuli milimu ya bona ya maswaniso ki milimu luli. Kana milimu yeo ya kona ku polofita za ku piliswa kwa balapeli ba yona kamba za likatulo ze ka fiwa kwa lila za yona? Haiba ya kona, kana ya kona ku taleleza bupolofita b’o? Kalabo kikuli ha i koni. Ki Jehova fela ya kona ku eza zeo.
5. Mu taluse ka m’o bupolofita bwa Isaya bu sa talelezwi hañwi fela.
Sinulo 11:5-10) Baeteleli ba bañwi ba Watch Tower Society ne ba lengilwe mwa tolongo kabakala ku tamelezwa milatu ya buhata. Ne ku bonahezi inge kuli lifasi ne li tuzi mwa ndwa ya lona ya ku lwanisa batanga ba Mulimu. Kono sina mo ne ku bezi ka 537 B.C.E., Jehova ka ku sa libelelwa a ba lamulela. Ka 1919, baeteleli bao ne ba lukuluzwi mwa tolongo, mi hasamulaho mizeko ya bona ya feliswa. Mukopano wa kwa Cedar Point, Ohio, ka September ya 1919, n’o susuelize batanga ba Jehova ku kalisa hape musebezi wa ku kutaza taba ye nde ya Mubuso. (Sinulo 11:11, 12) Ku t’o fita ni kacenu le, musebezi wa ku kutaza w’o u ekezehile hahulu-hulu. Hape buñata bwa manzwi a Isaya a ka ba ni talelezo ye nde mwa Paradaisi fa lifasi-mubu. Kabakaleo, manzwi a Isaya a kwaikale a ama macaba kaufela ni batu kacenu.
5 Ha lu nyakisisa bupolofita bwa Isaya, ha lu hupuleñi kuli, sina mo bu bezi bupolofita bo buñata bwa Bibele, manzwi a hae n’a si ka talelezwa hañwi fela. Ka 607 B.C.E., Juda i ka hapelwa kwa Babilona. Kono bupolofita bwa Isaya bu patulula kuli Jehova u ka lukulula Maisilaele ba ba hapezwi teñi k’o. Nto yeo i ezahala ka 537 B.C.E. Ku lukuluha k’o kwa swana ni ko ne ku ezahezi kwa makalelo a lilimo za mwanda wa bu 20. Mwahal’a ndwa ya lifasi ya pili, batanga ba Jehova ba ba tozizwe ba fa lifasi-mubu ne ba keni mwa ziyezi. Ka 1918, mifilifili ya lifasi la Satani, ye ne tisizwe ki Krestendomu ye li kalulo ye tuna ya Babilona yo mutuna, ne i batil’o yemiseleza ku kutazwa kwa taba ye nde ko ku lukisizwe hande. (Muliululi Wa Bizwa
6. Mupolofita u talusa cwañi mufenyi ya taha?
6 Ka Isaya, Jehova u polofita za mufenyi ya ka lukulula Isaya 41:2-4.
batu ba Mulimu mwa Babilona ni ku tisa katulo fahalimw’a lila za bona. Jehova u buza kuli: “Ki mañi ya tahisize yo ya zwa kwa Upa, ya bizelizwe kuli a zamaise ka mulao ko li hata kaufela liutu la hae? Macaba a filwe yena, u filwe ku busa malena; lilumo la hae li ba lelekisa inge maluli a’ sukuluka, buta bwa hae bu ba sabisa inge muuku o fefulwa ki moya. A ba shenja, mi a zwela pili ku si na kozi, mwa nzila y’a n’a si ka zamaya kale. Ki mañi ya ezize mi a felelelize zeo? Ki Yena ya ezize mishobo ya batu kwa simuluho, Na, [Muñ’a] Bupilo; ki Na wa pili, mi ku isa kwa linako za mafelelezo, inz’e li Na.”—7. Mufenyi ya taha ki mañi, mi u petañi?
7 Ki mañi y’o ya ka bizwa kwa Upa, ko ku pazulela lizazi? Linaha za Mamede ni Maperesia ni Elami li kwa upa wa Babilona. Mi ki kona kw’a zwelela Sirusi wa Muperesia ni limpi za hae ze m’ata. (Isaya 41:25; 44:28; 45:1-4, 13; 46:11) Sirusi niha si mulapeli wa Jehova, u latelela tato ya Jehova, yena Mulimu ya zamaisa ka mulao. Sirusi u hapa malena, mi u ba lelekisa fapil’a hae inge maluli. Ha nze a ba shenja kuli a ba tule, u fita “ku si na kozi” mwa linzila ze sa zamaiwi-zamaiwi fela, u tula mikwalelo kaufela. Ha i t’o ba 539 B.C.E., Sirusi wa fita mwa muleneñi o m’ata wa Babilona mi wa u tula. Kabakaleo, batu ba Mulimu ba lukululwa ilikuli ba kutele kwa Jerusalema ku yo toma sinca bulapeli bo bu kenile.—Ezira 1:1-7. *
8. Ki lika mañi z’a kona ku eza Jehova fela a nosi?
8 Kacwalo, ka Isaya, Jehova u polofita za ku taha kwa Sirusi kale mane pili mulena y’o a si ka pepwa kale. Ki Mulimu fela wa niti ya kona ku polofita nto ye cwalo a sa bushi. Kwa milimu ya buhata ya macaba, ha ku na o likana ni Jehova. Kona libaka Jehova ha bulela kuli: “Ha ni na ku fa yo muñwi kanya ya ka.” Ki Jehova fela ya kona ku bulela ka swanelo kuli: “Ki Na wa pili ni wa mafelelezo. Ha ku na Mulimu yo muñwi kwand’a ka.”—Isaya 42:8; 44:6, 7.
Batu Ba Ba Sabile Ba Sepa Milimu ya Maswaniso
9-11. Macaba a eza cwañi Sirusi ha atumela?
9 Isaya cwale u talusa mo a ikutwela macaba ka za mufenyi y’o ya taha, u li: “Lioli za bona, mi za saba; mafelelezo a lifasi a tutumela. Kiha ba sutelela, ba fita; ba tusana mutu ni mutu; mutu ni mutu a bulelela mwanahabo, a li: Tiisa pilu. Cwale, mubeti a tiisa pilu ya mutuli; mi ya otolola ka sikoma a tiisa ya tula fa nyundo; a li: Loto ye lu kopanya ki ye nde; mi a tiisa siswaniso ka limapo kuli si si ke sa nyanganya.”—Isaya 41:5-7.
10 Jehova u tatuba mo ku ka bela fa lifasi hamulaho wa lilimo ze bat’o ba ze 200. Limpi ze m’ata za Sirusi li zamaya ka lubilo, li nze li hapa ba ba li lwanisa kaufela. Macaba kaufela, ni a’ yahile mwa libaka ze kwahule hahulu inge lioli, a ngangamiswa ki ku taha kwa hae. Ka sabo, a kubukanela ku lwanisa mutu y’o ya bizizwe ki Jehova kwa upa ku t’o fitisa katulo. A lika ku susuezana, a li: “Tiisa pilu.”
11 Babeti ba swalisana ku panga milimu ya maswaniso kuli i lamulele batu. Mupangi u eza siswaniso sa kota, kihona a susueza mutuli kuli a si base mubaso wa sipi, mwendi ili wa gauda. Mubeti u otolola sipi yeo ni ku bona teñi kuli ku kopanyizwe hande. Mwendi ki ka lisomo cwalo ha ku bulelwa za ku si tiisa ka limapo kuli si si ke sa nyanganya kamba ku fokola, inge siswaniso sa Dagoni se ne si kile sa wela fapil’a aleka ya Jehova.—1 Samuele 5:4.
Mu Si Sabi!
12. Jehova u fa tiisezo mañi ku Isilaele?
12 Jehova cwale u isa mamelelo kwa batu ba hae. Ka ku fapana ni macaba a’ sepile maswaniso a’ sa pili, ba ba sepile Mulimu wa niti ha ba tokwi ku saba. Tiisezo ya Jehova i kala ka kupuliso ya kuli Isilaele ki muikulu wa Abrahama mulatiwa wa hae. Ka manzwi a’ lilato hahulu, Isaya u biha z’a bulela Jehova, u li: “Wena Isilaele, mutanga wa ka, wena Jakobo ye ni iketezi, lusika lwa Abrahama mulatiwa wa ka; ki wena ye ni ngile kwa mafelelezo a lifasi, mi na ku biza ku zwa mwa linaha za kwahule, na li ku wena: U mutang’a ka, ni ku ketile, mi ha ni si ka ku tokolomoha. Si sabi kakuli ni na ni wena. Si bilaeli kakuli ki Na Mulimu wa hao. Ni ka ku fa mata, e, ni ka ku tusa; e, ni ka ku tiisa ka lizoho la ka la bulyo la niti ya ka.”—Isaya 41:8-10.
13. Ki kabakalañi manzwi a Jehova ha ka tiisa lipilu za Majuda ba ba mwa buhapiwa?
13 Manzwi ao kaniti a ka tiisa lipilu za Majuda ba ba sepahala ba ba li mwa buhapiwa kwa naha i sili! Ba ka 2 Makolonika 36:20) Jehova niha ka ba kalimela kabakala ku sa sepahala kwa bona, ha na ku ba hana. Isilaele ki ya Jehova, haki ya Babilona. Batanga ba Mulimu ha ba na ku ngangama Sirusi wa mufenyi ha ka taha. Jehova u ka ba ni batu ba hae kuli a ba tuse.
susuezwa luli ku utwa Jehova h’a ba biza kuli “mutanga wa ka” ka nako ye ba li bahapiwa, ili batanga ba mulena wa Babilona! (14. Manzwi a Jehova ku Isilaele a tiisa cwañi lipilu za batanga ba Mulimu kacenu?
14 Manzwi ao a kolwisize ni ku tiisa batanga ba Mulimu ku t’o fita mane ni kacenu le. Ka 1918, ne ba nyolezwi ku ziba tato ya Jehova ka za bona. Ne ba lakaza ku lukululwa mwa butanga bwa bona bwa kwa moya. Kacenu lu nyolelwa ku lukululwa kwa sineneketo ye tahiswa ki Satani, lifasi, ni ku sa petahala kwa luna beñi. Kono lwa utwisisa kuli Jehova wa ziba nako tenyene ya ku lamulela batu ba hae ni mwa ku ba lamulelela. Sina bana ba banyinyani, lu kumalela kwa lizoho la hae le li m’ata, lu nze lu sepile kuli u ka lu tusa ku itiisa. (Samu 63:7, 8) Jehova u lata hahulu ba ba mu sebeleza. Wa lu yemela kacenu sina mwa n’a yemezi batu ba hae mwa liziyezi za bona ka 1918 ni 1919 ni sina mwa n’a yemezi Maisilaele ba ba sepahala kale-kale k’o.
15, 16. (a) Ku ka ezahalañi kwa lila za Isilaele, mi Isilaele i swana cwañi ni sibukunyana? (b) Manzwi a Jehova sihulu a’ susueza kacenu kabakala ziyezi mañi ye atumela?
15 Mu nyakisise manzwi a tatama a’ bulela Jehova ka Isaya, a’ li: “Bona, ba ba ku halifezi kaufela ba ka swaba, ba filikane; ba ba ku lwanisa ba ka ba inge hasi se siñwi, ba fele ku shwa. Ba ba ne ba ku zekisa u ka ba bata, kono ha u na ku ba fumana. Ba ba ku lwanisa ba ka ezwa nto ye siyo; ba be sina nto ya mbango. Kakuli Na, Isaya 41:11-14.
[Muñ’a] Bupilo Mulimu wa hao, ni ku sweli kwa lizoho la bulyo, mi ni ku bulelela, ni li: Si sabi, ni ka ku tusa. Si sabi wena sibukunyana, Jakobo, ni mina banna ba sicaba sa Isilaele; ki Na ya ku tusa, ku bulela [Muñ’a] Bupilo; Muliululi wa hao ki Yena Ya-Kenile wa Isilaele.”—16 Lila za Isilaele ha li na ku tula. Ba ba halifezi Isilaele ba ka swaba. Ba ba i lwanisa ba ka shwa. Maisilaele ba ba mwa butanga niha ba bonahala ku fokola ni ku sa kona ku itamulela inge sibukunyana se si sulukuta mwa mubu, Jehova u ka ba tusa. Yeo i bile susuezo ye nde luli mwahal’a “mazazi a maungulelo” a, Bakreste ba niti ha ba nze ba toilwe maswe ki ba bañata mwa lifasi! (2 Timotea 3:1) Mi sepiso ya Jehova ya tiisa pilu luli kabakala twaniso ye atumela y’a ka lwana Satani, y’a bulelwa mwa bupolofita kuli ki “Gogo, kwa naha ya Magogo”! Ka nako ya twaniso ye sabisa ya Gogo, batu ba Jehova ba ka bonahala ku sa kona ku itamulela inge sibukunyana—inge batu “ba ba yahile mwa minzi ye si na lipakiso ni likwalo.” Kono ba ba sepile Jehova ha ba na ku ngangama ka sabo. Ya M’ata Ote ka sibili u ka lwana kuli a ba lamulele.—Ezekiele 38:2, 11, 14-16, 21-23; 2 Makorinte 1:3.
Ku Tiisa Pilu ya Isilaele
17, 18. Isaya u talusa cwañi ku fiwa m’ata kwa Isilaele, mi lu kona ku libelela talelezo mañi?
17 Jehova u zwelapili ku tiisa pilu ya batu ba hae, u li: “Bona ni ka ku eza sipuliso se sinca, se si na ni meno a buhali: U ka pula malundu, u a ululule, tulundu tona tu fetuhe inge muuku. U ka a ulusa, mi a ka fufa ni moya; kakundu-kundu ka ka a hasanya. Kono wena u ka tabela [Muñ’a] Bupilo, u ka itumba ka Ya-Kenile wa Isilaele.”—Isaya 41:15, 16.
Ezira 6:12; Nehemia 6:16) Nihakulicwalo, manzwi a Jehova a ka talelezwa hahulu ku “Isilaele wa Mulimu.” (Magalata 6:16) Jesu u sepisa Bakreste ba ba tozizwe kuli: “Ya tula, mi a tiiseza mwa misebezi ya ka ku isa kwa mafelelezo, ni ka mu fa bulena fahalimu a macaba; u ka a lisa ka mulamu wa sipi, a ka tubiwa sina lipizana za lizupa; kakuli ki yona taelo ye ni amuhezi ku Ndate.” (Sinulo 2:26, 27) Kaniti nako i ka taha yeo banyani ba Kreste ba ba zuselizwe kwa kanya ya lihalimu ba ka abana mwa ku timeza lila za Jehova Mulimu.—2 Matesalonika 1:7, 8; Sinulo 20:4, 6.
18 Isilaele i ka fiwa m’ata kuli i nge muhato ni ku tula kwa moya lila za yona ze swana inge malundu. Isilaele ha i kuta ili ku zwa mwa butanga, i ka tula lila ze lika ku tibela ku zuswa kwa tempele ni kwa mamota a Jerusalema. (19, 20. Isaya u ñolañi ka za ku fetuha kwa Isilaele ku ba sibaka se sinde, mi nto yeo i talelezwa cwañi?
19 Ka manzwi a swanisezo, Jehova cwale u tiisa sepiso ya hae ya kuli u ka imulula batu ba hae. Isaya u ñola kuli: “Babotana ni ba baseta ha ba tokwa mezi, mi ba sa a boni, mi lulimi lwa bona se lu oma kabakala linyolwa, Na, [Muñ’a] Bupilo ni ka ba utwa; Na, Mulimu wa Isilaele, ha ni na ku ba toboha. Ni ka tahisa linuka fa malundu a’ omile ni mawelu-welu mwa misindi; lihalaupa ni li eze lisa la mezi, mi naha ye omile i tale mawelu-welu. Ni ka melisa mwa lihalaupa likota za sidare ni akesha, ni sikwa ni olive; ni ka cala mwa lihalaupa likota za kiprese ni mupulanga ni bokisi kaufela hamoho. Ilikuli ba bone, mi ba zibe, mi ba lemuhe, mi ba utwisise kaufel’a bona kuli lizoho la [Muñ’a] Bupilo ki lona le li sebelize zeo, Ya-Kenile wa Isilaele ki Yena ya li ezize.”—Isaya 41:17-20.
20 Maisilaele ba ba hapilwe niha ba pila mwa muleneñi Isaya 51:3) Seo luli ki sona se si ezahala Majuda ha se ba kutezi habo bona.
wa naha ye m’ata ka ku fitisisa mwa lifasi, ku bona u swana fela inge lihalaupa le li omile. Ba ikutwa sina mwa n’a ikutwezi Davida ha n’a ipatile ku Mulena Saule. Ka 537 B.C.E., Jehova u ba konisa ku kutela kwa Juda kuli ba y’o yaha sinca tempele ya hae mwa Jerusalema, ili ku toma sinca bulapeli bo bu kenile. Mi Jehova wa ba fuyaula. Mwa bupolofita bwa hamulaho, Isaya u polofita kuli: “[Muñ’a] Bupilo u wisize pilu ya Sione, u utwezi mabaka a hae kaufela a’ sinyehile butuku; matota a Sione, ka Yena a fetuhile sina simu ya Edeni; mabumbuywa a hae, sina simu ya [Muñ’a] Bupilo.” (21. Mwa miteñi ya cwale, ki nto mañi ye ne tomilwe sinca, mi ki sifi se si ka ezahala kwapili?
21 Nto ye swana ne i ezahezi mwa miteñi ya cwale Sirusi yo Mutuna, yena Kreste Jesu, ha n’a lukuluzi balateleli ba hae ba ba tozizwe mwa butanga bwa kwa moya ilikuli ba kone ku toma sinca bulapeli bo bu kenile. Basepahali bao ne ba filwe paradaisi ye nde ya kwa moya, ili simu ya Edeni ya swanisezo. (Isaya 11:6-9; 35:1-7) Ona cwale fa, Mulimu ha ka timeza lila za hae, lifasi-mubu kaufela li ka fetulwa ku ba paradaisi tenyene, sina Jesu mwa n’a sepiselize muezalibi inz’a kokotezwi fa kota.—Luka 23:43.
Muzeko kwa Lila za Isilaele
22. Jehova u zekisa cwañi hape macaba?
22 Jehova cwale wa kala hape ku zekisa macaba ni milimu ya bona ya maswaniso, u li: “Mu tahise taba ya mina, ku bulela [Muñ’a] Bupilo; mu tise mabaka a mina a tiile, ku bulela Mulena wa Jakobo. A mu a tise, mi mu lu taluseze se si ka ezahala; mu lu bulelele za kale kamba li cwañi, kuli lu li lemuhe, mi lu zibe mafelelezo a zona; kamba ku zibiswa ze sa ta. A mu lu taluseze ze ka Isaya 41:21-24) Kana milimu ya macaba ya kona ku polofita i sa bushi ilikuli i pake kuli i na ni zibo ya bumulimu? Haiba ya kona, kaniti ku swanela ku ba ni ze nde kamba ze maswe ze zwa mwateñi, ze paka kuli ya kona. Kono niti kikuli milimu ya maswaniso ha i koni ku peta nto ni ye kana mi ku swana fela inge kuli ha i yo.
ta kwapili; lu zibe kuli mu milimu luli: E, mu eze ze nde kamba ze maswe, kuli lu komoke, mi lu li bone hamoho. A mu bone, ha mu se siñwi, mi misebezi ya mina ki ya mbango. Ya ka mi katelwa ki ya masila.” (23. Ki kabakalañi Jehova, ka bapolofita ba hae, ha n’a tundamezi ku nyaza milimu ya maswaniso?
23 Ba bañwi kacenu ba kana ba komoka libaka Jehova, ka Isaya ni bapolofita ba bañwi, ha n’a tandile nako ye telele cwalo inz’a nyaza butoto bwa ku lapela
maswaniso. Ba bañata kacenu ba kana ba ziba hande kuli milimu ya maswaniso ye ba ipangezi batu ha i na tuso. Nihakulicwalo, tumelo ye ñwi ya buhata i sa kaliswa ni ku amuhelwa fela ki ba bañata, ku t’ata ku i kayutula mwa minahano ya batu ba ba i lumela. Litumelo ze ñata za kacenu ha li na tuso sina tumelo ya kuli maswaniso a sa pili ki milimu luli. Kono batu ba kumalela zona litumelo zeo niha ku zibahala hande kuli ha li na tuso. Ki ka ku utwa fela niti hape ni hape ba bañwi ha ne ba ka susuezwa ku bona bunde bwa ku sepa Jehova.24, 25. Jehova u bulela cwañi hape za Sirusi, mi nto yeo i lu hupulisa bupolofita bufi bo buñwi?
24 Jehova hape u bulela za Sirusi kuli: “Ni bizize yo muñwi kwa Mutulo mi u tile; wa zwa ko ku pazulela lizazi, mi ki ya lapela Libizo la ka. U ka hatikela malena inge sileze, kamba sina mubupi ya luba lizupa.” (Isaya 41:25) * Ka ku fapana ni milimu ya macaba, Jehova wa kona ku peta lika. Ha ka biza Sirusi kwa upa, “ko ku pazulela lizazi,” Mulimu u ka bonisa m’ata a hae a ku polofita ni ku lukisa za kwapili kuli a taleleze bupolofita bwa hae.
25 Manzwi ao a lu hupulisa mutalusezo wa bupolofita wa muapositola Joani ha bulela za malena be ne ba ka susuezwa ku nga muhato mwa miteñi ya luna. Kwa Sinulo 16:12, lu bala kuli ku ka lukiswa “nzila ya malena ba ba taha ba zwa kwa Upa.” Malena bao ki Jehova Mulimu ni Jesu Kreste. Sina Sirusi mwa n’a liululezi batu ba Mulimu kwaikale, ni malena bao ba ba m’ata hahulu ba ka yundisa lila za Jehova ni ku lisa batu ba hae mwahal’a ñalelwa ye tuna, ku ba libisa mwa lifasi le linca la ku luka.—Samu 2:8, 9; 2 Pitrosi 3:13; Sinulo 7:14-17.
Jehova Ki Ya Pahami ka ku Fitisisa!
26. Jehova cwale u buza puzo mañi, mi kana ya alabiwa?
26 Jehova hape u bulela taba ya niti ya kuli ki yena Mulimu a nosi wa niti. U buza kuli: “Ki mañi ya bulezi taba ye isali kwa makalelo, kuli lu i zibe? Ya i bulezi pili ki mañi, lu mu bulelele kuli: U nepile? E, h’a yo ya lu zibisize, h’a yo ya lu taluselize, mi ha ku na ya utwile manzwi a mina.” (Isaya 41:26) Ha ku na mulimu wa siswaniso ya n’a zibisize za ku taha kwa mufenyi ya n’a ka t’o lukulula ba ba mu sepile. Milimu kaufela ye cwalo ha i pili, i kuzize tuu. Haki milimu ni hanyinyani.
27, 28. Ki ifi taba ya butokwa ye koñomekwa mwa litimana za mafelelezo za Isaya 41, mi ki bomañi fela ba ba shaela nto yeo?
27 Isaya ha s’a bihile manzwi a Jehova ao a bupolofita a’ nyangumuna, u koñomeka taba ya butokwa ya kuli: “Ki Na wa pili ya ize ku Sione: Bona, bona, ki ba! Mi ni file Jerusalema yo ya ka mu [tiseza] litaba ze nde. Ha ni talima, ha ku sa na mutu; mane ha ku sa na muelezi mwahal’a bona ya kona ku ni alaba linzwi niheba li li liñwi ha ni ka buza. A mu bone, kaufel’a bona hasi se siñwi; misebezi ya bona ki ya mbango; maswaniso a bona a’ suluzwi ki moya ni maswabi fela.”—Isaya 41:27-29.
28 Jehova ki yena wa pili. Ki yena ya pahami ka ku fitisisa! Ki yena Mulimu wa niti, ya zibisa za ku piliswa kwa batu ba hae, ya ba tiseza litaba ze nde. Mi ki Lipaki za hae fela ba ba taluseza macaba butuna bwa hae. Ka ku ba zwapaula, Jehova u nyaza ba ba sepile bulapeli bwa maswaniso, u bulela kuli milimu ya bona ya maswaniso ki “moya ni maswabi fela.” Leo luli ki libaka le li tiile hakalo la ku kumalela ku Mulimu wa niti! Ki Jehova fela ye lu lukela ku sepa ka ku tala.
[Litaluso za kwatasi]
^ para. 7 Sirusi yo Mutuna, ya n’a lukuluzi “Isilaele wa Mulimu” mwa butanga bwa kwa moya ka 1919, ki Jesu Kreste, ya s’a bile Mulena wa Mubuso wa Mulimu wa kwa lihalimu ku zwa ka 1914.—Magalata 6:16.
^ para. 24 Nihaike kuli habo Sirusi ki kwa upa wa Babilona, ha n’a to taseza muleneñi lwa mafelelezo, n’a zwelezi kwa mutulo, kwa Asia Minor.
[Lipuzo za Tuto]
[Siswaniso se si fa likepe 19]
Sirusi, niha li muhedeni, u ketezwi ku eza musebezi wa Mulimu
[Siswaniso se si fa likepe 21]
Macaba a sepile milimu ya maswaniso ye sa pili
[Maswaniso a fa likepe 27]
Isilaele, sina “sipuliso,” i ka ‘ululula malundu’