Haiba Ne Mu Ka Kona Ku pila Ku Ya Ku Ile Kana Ne mu Ka Iketela ku Eza Cwalo?

Mina luli mwa kona ku pila ku ya ku ile mwa Paradaisi fa lifasi-mubu, sina broshuwa ye ha i bonisa hande. Mulelo wa Mulimu kwa neku la miinelo ye cwalo ka buniti fela u na ni ku talelezwa! Kono mu na ni ku iketela ku pila ku ya ku ile.

Yona keto yeo, ka ku ya ka mwa n’a lutezi Jesu Kreste, i lukela ku toma fa zibo ye nepahezi ya Mulimu. Broshuwa ye, ne i tahisizwe ili ku mi tusa ku ikungela zibo yeo. Tuso ye ekezehile i konwa ku fumanwa kwa Lipaki za Jehova. Ba ka tabela ku mi potela ka nako ni sibaka se si sa mi pitihanyi. Haiba ne mu ka tabela ku ba ni tuto ya Bibele ya mwa ndu ku si na tifo, shangwe mu fitise taba yeo ka ku ñolela kwa Watch Tower, Box 33459, Lusaka 10101, kamba ka keyala ye swanela ye kwatasi.