Tuto 16

Katulo ya Mina ya ku Sebeleza Mulimu

Ki sifi se mu lukela ku eza kuli mu be mulikan’a Mulimu? (1,2)

Mu eza cwañi buineelo bwa mina ku Mulimu? (1)

Mu swanela ku kolobezwa lili? (2)

Mu kona ku fumana cwañi m’ata a ku zwelapili mu nze mu sepahala ku Mulimu? (3)

1. Kuli mu be mulikan’a Mulimu, mu lukela ku fumana zibo ye likani ya niti ya Bibele (1 Timotea 2:3, 4), ku ba ni tumelo mwa lika ze mu itutile (Maheberu 11:6), ku bakela libi za mina (Likezo 17:30, 31), ni ku sikuluha mwa mupilelo wa mina. (Likezo 3:19) Ku zwa f’o lilato la mina ku Mulimu li swanela ku mi susueza kuli mu ineele ku yena. Seo si talusa kuli ka tapelo ya ka butu, ili ya kwa mukunda mu mu taluseza kuli mu ifana ku yena ku eza tato ya hae.—Mateu 16:24; 22:37.

2. Ha se mu ezize buineelo bwa mina ku Mulimu, mu swanela ku kolobezwa. (Mateu 28:19, 20) Kolobezo i zibisa mañi ni mañi kuli mu ineezi ku Jehova. Kacwalo kolobezo ki ya bao fela ba ba fitile fa buhulu bwa ku kona ku eza katulo ya ku sebeleza Mulimu. Mutu ha kolobezwa, mubili wa hae kaufela u swanelwa ku nweliswa mwa mezi ka nakonyana. *—Mareka 1:9, 10; Likezo 8:36.

3. Ha se mu ezize buineelo, Jehova u ka mi libelela ku taleleza sepiso ya mina. (Samu 50:14; Muekelesia 5:4, 5) Diabulosi u ka lika ku mi tuhelisa ku sebeleza Jehova. (1 Pitrosi 5:8) Kono mu sutelele ku Mulimu ka tapelo. (Mafilipi 4:6, 7) Mu itute Linzwi la hae ka zazi ni zazi. (Samu 1:1-3) Mu kumalele kwa puteho. (Maheberu 13:17) Ka ku eza zeo kaufela, mu ka fumana m’ata a ku zwelapili mu nze mu sepahala ku Mulimu. Mwa nako kaufela ya ku ya ku ile mu kona ku eza cwalo lika zeo Mulimu a tokwa ku mina!

[Litaluso za kwatasi]