Tuto 12

Ku Bonisa Likute kwa Bupilo ni Mali

Lu swanela k’u nga cwañi bupilo? (1) ku sulula mba? (1)

Bakreste ba bonisa cwañi kuli ba iyakatitwe ka za silelezo? (2)

Kana ku bulaya lifolofolo ku fosahalile? (3)

Ki lifi ze ñwi za likezo ze bonisa ku sa kuteka bupilo? (4)

Mulao wa Mulimu fa mali ki ufi? (5)

Kana seo si kopanyeleza ku pompelwa mali? (6)

1. Jehova ki yena Simbule sa bupilo. Ze pila kaufela li fumani bupilo bwa zona ku Mulimu. (Samu 36:9) Bupilo ki bo bu kenile ku Mulimu. Nihaiba bupilo bwa mwana ya si ka pepwa kale ya mwa mba ya bom’ahe ki bwa butokwa hahulu ku Jehova. Ku bulaya ka mulelo mbututu ye sa hula ye cwalo ku fosahezi mwa meto a Mulimu.—Exoda 21:22, 23; Samu 127:3.

2. Bakreste ba niti ba iyakatwite ka za silelezo. Ba bona teñi kuli limota za bona ni mandu a bona haki ze lubeta. (Deuteronoma 22:8) Batanga ba Mulimu ha ba beyi bupilo bwa bona mwa lubeta ku si na tokwahalo ka libaka fela la munyaka kamba nyakalalo. Kacwalo ha ba abani mwa lipapali za mifilifili ze holofaza ba bañwi ka bomu. Ba pima ku itabisa ko ku susueza mifilifili.—Samu 11:5; Joani 13:35.

3. Bupilo bwa lifolofolo ni bona bu kenile ku Mubupi. Mukreste n’a kana a bulaya lifolofolo kwa neku la ku fumana sico ni liapalo kamba ku isileleza kwa matuku a zona ni kozi ye ne li kana za tisa. (Genese 3:21; 9:3; Exoda 21:28) Kono ku fosahalile ku nyandisa lifolofolo kamba ku li bulaya ka lipapali fela kamba ka munyaka.—Liproverbia 12:10.

4. Ku zuba kwai, ku tafuna mungandi wa betel, ni ku itusisa milyani kwa neku la munyaka haki lika ze swanelwa ku eziwa ki Bakreste. Likezo zeo li fosahalile ka libaka la kuli (1) li lu tahiseza ku ba batanga ba zona, (2) li holofaza mibili ya luna, mi (3) ki ze masila. (Maroma 6:19; 12:1; 2 Makorinte 7:1) Ku kona ku ba t’ata hahulu ku tuhela mikwa yeo. Kono lu lukela ku eza cwalo kuli lu tabise Jehova.

5. Mali hape ki a kenile mwa meto a Mulimu. Mulimu u bulela kuli moyo, kamba bupilo, bu mwa mali. Kacwalo ku ca mali ku fosahalile. Hape ku ca nama ya folofolo ye si ka sululwa hande mali ku fosahalile. Haiba folofolo i kamilwe kamba i shwela mwa siteo, ha i swanelwi ku ciwa. Haiba i tabiwa lilumo kamba ku kunupiwa, i lukelwa ku sululwa mali kapili kuli i kone ku ciwa.—Genese 9:3, 4; Livitike 17:13, 14; Likezo 15:28, 29.

6. Kana ku amuhela ku pompelwa mali ku fosahalile? Mu hupule kuli, Jehova u tokwa kuli lu itime kwa mali. Seo si talusa kuli ha lu lukeli k’u nga mali a batu ba bañwi ku a kenya mwa mibili ya luna ka nzila ifi kamba ifi kamba nihaiba mali a luna tota a’ bulukilwe. (Likezo 21:25) Kacwalo Bakreste ba niti ha ba na ku amuhela ku pompelwa mali. Ba ka amuhela mifuta ye miñwi ya kalafo, ye cwale ka ku pompelwa litipwitipwi ze si na tungwalingwali twa mali. Ba bata ku pila, kono ha ba na ku lika ku punyusa bupilo bwa bona ka ku loba milao ya Mulimu.—Mateu 16:25.

 [Maswaniso a fa likepe 25]

Kuli lu tabise Mulimu, lu lukela ku pima ku pompelwa mali, mikwa ye masila, ni lubeta lo lu sa tokwahali