Kwa Bashemi

Ki ifi mpo ye nde ka ku fitisisa ye mu kona ku fa bana ba mina? Bana ba mina ba tokwa lika ze ñata ku mina, ka mutala, ba tokwa kuli mu ba late, mu ba etelele, ni ku ba sileleza. Nihakulicwalo, mpo ya butokwa ka ku fitisisa ye mu kona ku fa bana ba mina ki zibo ya ku ziba Jehova ni litaba za niti ze fumaneha mwa Linzwi la hae, yona Bibele. (Joani 17:3) Zibo yeo ya kona ku tusa bana ba mina ku lata hahulu Jehova ni ku mu sebeleza ka pilu ya bona kaufela niha ba sa li banana.—Mateu 21:16.

Bashemi ba bañata ba lemuhile kuli banana ba banyinyani ba tusiwanga hahulu ki lituto ze kuswani. Ka libaka leo, lu ba ba tabile ku hatisa broshuwa ye, ye na ni toho ya taba ye li, Ze ni Ituta Mwa Bibele. Tuto ni tuto i lukisizwe ka nzila ye ka mi tusa kuli mu lute bana ba mina ka nzila ye bunolo. Maswaniso ni manzwi a zamaelela ni maswaniso ao sihulu a lukiselizwe banana ba ba na ni lilimo ze taalu kamba ba ba mwatasaa lilimo zeo. Mwa broshuwa mo hape ku na ni liakalezo za mo ba kona ku itutela bashemi ni bana ba bona. Broshuwa ye ya Ze ni Ituta Mwa Bibele haki sibapaliso sa banana. Kono broshuwa ye i lukisizwe ka mulelo wa kuli mu i balange ni bana ba mina, ilikuli mu ambolisanange hande.

Lu na ni buikolwiso bwa kuli hatiso ye i ka mi tusa ha mu nze mu luta bana ba mina niti ya mwa Bibele “ku zwa kwa bumbututu” bwa bona.—2 Timotea 3:14, 15.

Mizwale ba mina,

Sitopa se si Etelela sa Lipaki za Jehova