TUTO 1
Makalelo Amande
Likezo 17:22
LITABA KA BUKUSWANI: Litaba zemubulela kwa makalelo liswanela kutusa batu kutabela kuteeleza, kuziba taba yemuambola, ni kubonisa libaka taba yeo haili ya butokwa ku bona.
MWAKUEZEZA CWALO:
-
Mutuse bateelezi kutabela zemubulela. Mukete puzo, manzwi, taba yeezahezi mwa bupilo, kamba taba yemuutwile mwa makande yekatusa bateelezi kutabela zemubulela.
-
Mutuse bateelezi kuziba taba yemuambola. Mubone teñi kuli zemubulela kwa makalelo zatusa bateelezi kuziba hande taba yemuambola ni mulelo wayona.
-
Mubonise libaka taba yemuambola haili ya butokwa. Mubulele litaba zekatusa bateelezi. Mubatuse kuutwisisa hande mobakona kutusezwa ki taba yemuambola.
