TUTO 15
Kubulela ka Buikolwiso
1 Matesalonika 1:5
LITABA KA BUKUSWANI: Mubonise kuli mwalumela ka kutala niti ya mwa Mañolo ni kuli mwaziba butokwa bwa litaba zemubulela.
MWAKUEZEZA CWALO:
-
Muitukiseze hande. Muitute ka tokomelo litaba za ngambolo yamina kufitela muutwisisa lisupo zetuna ni molipakelwa ki Mañolo. Mulike kutalusa lisupo zetuna za ngambolo yamina ka manzwi asikai abunolo. Munahane moika tuseza bateelezi ngambolo yeo. Mulapele kuli mufiwe moya okenile.
-
Muitusise manzwi aka mitusa kubulela ka buikolwiso. Kufita kubala manzwi honacwalo ka moañolezwi mwa hatiso, mubulele muhupulo wa litaba ka kuitusisa manzwi amina. Mubulele ka nzila yebonisa kuli munani buikolwiso bwa litaba zemubulela.
-
Mutaluse litaba ka buikolwiso. Mubulele ka mulumo olikani. Mutalime bateelezi haiba kulukile kueza cwalo mwa sibaka semupila ku sona.
