Mulapele ni kuitukiseza ka tokomelo. Mulapele ku Mulimu kuli amituse kuisa pilu kwa lushango lomuluta, isiñi ku mina beñi. Muhupule lisupo zetuna zemuswanela kukoñomeka. Mutaluse mihupulo; musike mwabala feela litaba linzwi ka linzwi ka moliñolezwi mwa hatiso.

Mubulele kuzwelela kwatasaa pilu. Munahane libaka bateelezi habatokwa kuutwa lushango lwamina. Mubaise pilu. Muyemelo kamba muinelo wamina wa fa sipula, liponiso za mazoho, ni sifateho samina, liswanela kubonisa kuli luli mwaisa pilu bateelezi ni kubabonisa silikani.

Mutalime bateelezi. Mubatalime kwa meeto haiba kulukile kueza cwalo. Hamufa ngambolo, mutalime yomuñwi ni yomuñwi wa baputehi, isiñi kubakecula feela kamba kubatalima ka sikwata.