TUTO 6
Kubonisa Hande Moasebeleza Mañolo
Joani 10:33-36
LITABA KA BUKUSWANI: Musike mwabala feela liñolo ni kuzwelapili kuya fa sisupo sesitatama. Mubone teñi kuli bateelezi balemuha hande swalisano yemwahalaa liñolo lemubalile ni sisupo semunyakisisa.
MWAKUEZEZA CWALO:
-
Mukoñomeke manzwi abonisa sisupo. Hamufeza kubala liñolo, mukoñomeke manzwi abonisa sisupo. Mukona kueza cwalo ka kukutela manzwi ao kamba ka kubuza puzo yekatusa bateelezi kulemuha manzwi ao abonisa sisupo.
-
Mukoñomeke sisupo. Haiba musika bala kale liñolo nemutalusize libaka lelibonisa hande mulelo wa kubala liñolo leo, mutaluse libaka leo moliyemelwa ki manzwi emubalile mwa liñolo.
-
Mutaluse ka bunolo moasebeleza Mañolo. Musike mwatalusa litaba zesaswalisani ni taba yemubulela ili zesakoñomeki sisupo sesituna. Mulemuhe haiba bateelezi baziba taba yemubulela, mi muzibe buñata bwa litaba zebatokwa kuziba kuli bautwisise mwakusebeliseza taba yeo.
