Mufumane litaba zesepeha. Litaba zemubulela litome fa Linzwi la Mulimu, mi haiba kukonahala, mubale luli kuzwelela mwa Bibele. Haiba muama kwa taba yeñwi ya sayansi, taba yemuutwile mwa makande, yeezahezi, kamba taba yeñwi yemubata kuitusisa, mubatisise pili kuli muikolwisise kuli taba yeo ki ya niti mi isali cwalo luli.

Muitusise hande litaba. Mutaluse mañolo kulikana ni litaba zeñwi zefumaneha mwa mañolo ao, kulikana ni lushango lwa mwa Bibele kaufela, ni kulikana ni lihatiso za “mutanga yasepahala yanani kutwisiso.” (Mat. 24:45) Muitusise litaba zesazwi mwa Bibele ka kulumelelana ni mone libulelezwi luli ni mulelo wa muñoli wa litaba zeo.

Mubonise mwakuitusiseza litaba. Hamufeza kubala liñolo kamba kubulela taba yezwelela mwa taba yeñwi, mubuze lipuzo ka maseme kamba mufe swanisezo kuli mutuse bateelezi kuziba zebaswanela kueza.