TUTO 8
Kuluta ka Liswanisezo
Mateu 13:34, 35
LITABA KA BUKUSWANI: Muekeze kwa buikoneli bwamina bwa kuluta ka kuitusisa liswanisezo zebunolo zebaziba bateelezi ilikuli mubalute lisupo zetuna.
MWAKUEZEZA CWALO:
-
Mukete liswanisezo zebunolo. Ka kuswana ni Jesu, mulute lisupo zetuna ka kuitusisa liswanisezo zebunolo, mi mutaluse mihupulo yetibile ka kuitusisa lika zebunolo. Musike mwabulela litaba zeñata-ñata zekatatafaza swanisezo yamina. Mubone teñi kuli lika zemubulela mwa swanisezo zazamaelela ni tuto yemuluta ilikuli bateelezi basike balyanganiswa ki kusabona moliswalisanela lika zemutalusa mwa swanisezo yamina.
-
Muitusise liswanisezo zekatusa bateelezi. Mukete liswanisezo zeama lika zebaezanga bateelezi kamba zebatabela. Mutokomele kuli liswanisezo zeo hali bautwisi maswabi kamba kubafilikanya.
-
Mulute bateelezi lisupo zetuna. Mufange liswanisezo hamukoñomeka lisupo zetuna, isiñi hamutalusa lisupo zenyinyani. Mubone teñi kuli bateelezi bahupula sisupo sesituna semulutile, isi feela swanisezo yamina.
