Litaba za Kalulo 2
Ki kabakalañi Jehova hanaatisize muunda one usinyize lifasi kwamulaho? Mwa linako za kwamulaho, batu babañwi nebakalile kueza lika zemaswe mi babañwi bona nebaezize lika zende. Batu babañwi babaswana sina Adama, Eva, ni mwanaa bona Kaine, nebaketile kueza zemaswe. Kono haili babañwi basikai babacwale ka Abele ni Nuwe, nebaketile kueza lika zende. Batu babañata bakala kueza hahulu bumaswe kuli mane Jehova atahisa muunda one usinyize lifasi kwamulaho. Kalulo ye, ika lutusa kulemuha kuli Jehova wabonanga zeluketa kueza mi nikamuta haana kutuhelela bumaswe kuzwelapili.
MWA KALULO YE
TUTO 3
Adama ni Eva Nebasika Utwa Mulimu
Kota yeñwi mwa simu ya Edeni neishutana cwañi ni likota zeñwi kaufela? Ki kabakalañi Eva hanaacile muselo wa kota yeo?
TUTO 4
Bunyemi Bwa Kaine Nebutahisize Kuli Abulaye Munyanaa Hae
Mulimu naaamuhezi sitabelo sa Abele isiñi sa Kaine. Kaine hanaazibile taba yeo, ahalifa hahulu kuli mane aeza nto yeñwi yemaswe.
TUTO 5
Aleka ya Nuwe
Mangeloi anaashetumukezi fa lifasi anaanyezi basali, naabile ni bana ba makwenyepa. Kai ni kai nekutezi mifilifili. Kono Nuwe naashutana ni batu babañwi, yena naalata ni kuutwa Mulimu.
TUTO 6
Batu ba 8 Bapunyuha Muunda
Pula neinelile mazazi a 40 ni masihu a 40. Nuwe ni lubasi lwahae nebainzi mwa aleka ka nako yefitelela silimo silisiñwi. Hasamulaho, nebakona kuzwela fande a aleka.
