Litaba za Kalulo 8
Jehova naafuyauzi Salumoni ka kumufa butali ni tohonolo ya kuyaha tempele, kono hanyinyani-hanyinyani akala kueza lika zatoile Jehova. Haiba mu bashemi, mutaluseze mwanaa mina mo batu bane balapela milimu ya buhata nebatahisize kuli Salumoni afulalele Mulimu. Mubuso neukauhani mi malena babamaswe nebatahisize kuli batu babe bakwenuheli ni kuli balapele milimu ya maswaniso. Mwahalaa nako yeo, bapolofita ba Jehova babasepahala nebanyandisizwe ni kubulaiwa. Muoli Jezabele naatahisize kuli mubuso wa kwa mutulo ufetuhele hahulu Jehova. Yeo neli nako yemaswe hahulu mwa Isilaele. Kono nekusanani batanga ba Jehova babañata bane basepahala mwahalaa Maisilaele, kukopanyeleza Mulena Josafati ni mupolofita Elia.
MWA KALULO YE
TUTO 49
Muoli Yasituhu Wafiwa Koto
Jezabele ulela kubulaya Muisilaele yabizwa Nabote kuli aange simu yahae ya likota za veine! Jehova Mulimu ulemuha bumaswe ni lika zesika luka zaeza Jezabele.
TUTO 50
Jehova Utusa Josafati
Mulena yomunde Josafati ukupa Mulimu mwa tapelo muta Juda ilwaniswa ki lila.