Kalulo ye italusa litaba ka za banana, bapolofita, ni malena bane babonisize tumelo yetuna ku Jehova. Mwa Siria, nekunani musizana wa Muisilaele yanaanani tumelo ya kuli mupolofita wa Jehova naakafolisa Naamani. Mupolofita Elisha naanani buikolwiso bobutuna bwa kuli Jehova naaka musileleza kwa mpi ya lila. Muprisita Yapahami Jehoyada naabeile bupilo bwahae mwa lubeta kuli asileleze Joasi yanaasali mwanana ku kukwahae yasituhu, yena Atalia. Mulena Ezekiele naanani sepo ya kuli Jehova naakalamulela Jerusalema, mi naasika sabiswa ki Maasiria. Mulena Josiasi naafelisize bulapeli bwa  milimu ya maswaniso mwa naha, naalukisize sinca tempele, mi naatusize batu kukutela mwa bulapeli bwa niti.