Mitala ya mwa Bibele yekona kulutusa:

• Liv. 22:​17-22—Jehova naatokwa kuli folofolo yenefiwa sina sitabelo ibe “yeiketile,” kamba, yesina sesinyazahala; linzwi la “kuiketa” liswalisana hahulu ni linzwi la Siheberu lelitolokilwe kuli “busepahali,” ili taba yebonisa kuli kusepahala ku Jehova kuama kumusebeleza ka kutala, ka pilu yaluna kaufela

• Jobo 1:​1, 4, 5, 8; 2:3—Mutala wa Jobo ubonisa kuli kusepahala ku Mulimu kuama kukuteka hahulu Jehova, kulapela feela yena anosi, ni kusaeza lika zemaswe mwa meeto ahae

Mitala ya mwa Bibele yekona kulutusa:

• Jobo 31:​1-11, 16-33—Jobo naabonisize kuli naasepahala ku Mulimu mwa bupilo bwahae ka kuambuka muzamao wa buhule ni kueza babañwi ka sishemo ni likute. Naazwezipili kulapela feela Jehova, ka kuambuka kulapela milimu ya maswaniso ni kuambuka lilato la kulata hahulu sifumu

• Dan. 1:​6-21—Niha bali mwahalaa batu babasa lapeli Jehova, Daniele ni balikani bahae babalaalu bazwelapili kusepahala ku Mulimu ka kulatelela milao yahae yekopanyeleza ni mulao obulela za lico zebaswanela kuca ni zebasa swaneli kuca