Linyalo
Linyalo nelikalile cwañi?
Ki mutu yacwañi yaswanela kuketa Mukreste kukena ni yena mwa linyalo?
Ki kabakalañi Mukreste haasaswaneli kulumeleza mwanaa hae wamushimani kamba wamusizana kukena mwa linyalo ni mutu yasi mutangaa Jehova yaineezi ni kukolobezwa?
1 Makor. 7:39; 2 Makor. 6:14, 15
-
Mitala ya mwa Bibele yekona kulutusa:
-
Gen. 24:1-4, 7—Abrahama yali musupali uikatulela kufumanela mwanaa hae Isaka musali mwahalaa batu babasebeleza Jehova isiñi kwa basali ba Makanana, babalapela milimu isili
-
Gen. 28:1-4—Isaka ulaela mwanaa hae Jakobo kubata musali mwahalaa balumeli ka yena isiñi kwa Makanana
-
Jehova ikutwanga cwañi batanga bahae habanyalana ni mutu yasi mulumeli?
-
Mitala ya mwa Bibele yekona kulutusa:
-
1 Mal. 11:1-6, 9-11—Jehova uhalifela Mulena Salumoni kabakala kusaisa pilu kwa litemuso za Mulimu za kuli asike anyala basali ba macaba asili ni kubalumeleza kukelusa pilu yahae
-
Neh. 13:23-27—Ka kubonisa buhali bwa Jehova bobulukile, Mubusisi Nehemia ukalimela ni kusikulula batu babasa utwi babanyezi basali babasa lapeli Jehova, ili babazwa mwa linaha zeshutana-shutana
-
Ki kabakalañi hakuli kokunde kunyalana ni mutu yasebeleza Jehova ka busepahali ni yanani libubo lelinde?
Mubone ni Maef. 5:28-31, 33
-
Mitala ya mwa Bibele yekona kulutusa:
-
1 Sam. 25:2, 3, 14-17—Nabali ki muuna yafumile hahulu, kono ki mutu yabuhali ni yasituhu, ili nto yetahisa kuli abe muuna yamaswe ku Abigaili
-
Liprov. 21:9—Kunyalana ni mutu yasaswaneli kukona kulutahiseza kusaba ni tabo ni kufelelwa ki kozo
-
Maro. 7:2—Muapositola Paulusi utalusa kuli musali hanyalwa, uba mwatasaa ketelelo ya muunaa hae yasika petahala; kacwalo, musali yabutali unyakisisanga ka tokomelo ka za mutu yabata kukena ni yena mwa linyalo
-
Kuitukiseza kukena mwa linyalo
Ki kabakalañi muuna haswanela kuitukiseza kubabalela lubasi pili asika kalisa kale kunahana za kukena mwa linyalo?
-
Mitala ya mwa Bibele okona kulutusa:
-
Liprov. 24:27—Pili muuna asika nyala kale mane ni kuba ni bana, uswanela kusebeza ka taata ilikuli abe yaitukiselize kubabalela lubasi
-
Ki kabakalañi batu bababeli baba mwa libato habaswanela kukupa kelezo ni kulika kuziba hande mutu yebali mwa libato ni yena kufita kuisa feela pilu kwa ponahalo ya kwande?
-
Mitala ya mwa Bibele yekona kulutusa:
-
Ruti 2:4-7, 10-12—Boazi ufita fa kuziba hande Ruti ka kutalimisisa mwasebeleza ni kunyakisisa lipiho zesepeha ka za likezo ni mikwa yahae, mwapilisanela ni lubasi lwahae ni mayemo ahae a kwa moya
-
Ruti 2:8, 9, 20—Ruti ufita fa kuziba hande Boazi ka kulemuha ka tokomelo sishemo sahae, bufani bwahae ni lilato lahae ku Jehova
-
Ki kabakalañi Jehova haabata kuli muuna ni musali babe ni muzamao okenile ka nako yebali mwa libato ni nako yebabeelezana?
Magal. 5:19; Makolo. 3:5; 1 Mates. 4:4
-
Mitala ya mwa Bibele yekona kulutusa:
-
Liprov. 5:18, 19—Linzila zeñwi za kubonisa ka zona lilato liswanela feela kuboniswa ki batu babanyalani
-
Pina 1:2; 2:6—Ka nako yebali mwa libato, mushimani yali mulisana ni musizana wa Mushulamiti babonisana lilato ka linzila zekenile, isiñi ka linzila zemasila zesusueza litakazo za kulobala ni mutu
-
Pina 4:12; 8:8-10—Musizana wa Mushulamiti uzwelapili kuba yakenile mi ubonisa buiswalo; uswana sina simu yekwalilwe
-
Ki kabakalañi muuna ni musali habaswanela kunyalana ka kuya ka mulao wa naha?
Buikalabelo bwa muuna yanyezi
Ki buikalabelo mañi bobutuna bwafilwe muuna yanyezi?
Ki mutala wa mañi waswanela kulikanyisa Mukreste yanyezi hanzaa sebelisa butoho bwahae?
Ki kabakalañi muuna yanyezi hatokwa kueza lika ka kutwisiso ni kupilisana ni musalaa hae ka lilato?
-
Mitala ya mwa Bibele yekona kulutusa:
-
Gen. 21:8-12—Jehova utaluseza Abrahama kuli ateeleze ku musalaa hae, Sara, kusina taba ni kuli akalezo yafa Sara haaitabeli
-
Liprov. 31:10, 11, 16, 28—Muuna yabutali yanyezi musali wa miswalo, sina mwataluselizwe mwa litimana ze, haki mutu yabusa musalaa hae kamba kubatisisa mafosisa; yena usepile musalaa hae ni kumulumba
-
Maef. 5:33—Muapositola Paulusi ka kususumezwa ki moya utalusa kuli musali utokwa kuziba ni kulemuha kuli muunaa hae wamulata
-
Buikalabelo bwa musali yanyezwi
Ki buikalabelo mañi bwaswanela kupeta musali yanyezwi yali Mukreste bwafilwe ki Jehova?
Kana buikalabelo bwafilwe musali yanyezwi bubonisa kuli hakutekiwi?
-
Mitala ya mwa Bibele yekona kulutusa:
-
Liprov. 1:8; 1 Makor. 7:4—Mulimu ufile musali yanyezwi ni me, maata amañwi mwa linyalo ni mwa lubasi
-
1 Makor. 11:3—Muapositola Paulusi ulutalusa kuli kaufelaa luna lu mwatasaa tukiso yeñwi ya butoho kwandaa feela Mulimu yena Yamaata Kaufela
-
Maheb. 13:7, 17—Mwa puteho, baana ni basali kaufela baswanela kuipeya kwatasi ni kuutwa babafilwe buikalabelo bwa kuetelela
-
Musali yali Mukreste yanyezwi ku mutu yasi mulumeli ukona kutabisa cwañi Jehova?
Ki kabakalañi musali yanyezwi yali Mukreste haswanela kuzwelapili kubonisa likute ku muunaa hae?
-
Mitala ya mwa Bibele okona kulutusa:
-
Gen. 18:12; 1 Pit. 3:5, 6—Sara ubonisa muunaa hae likute lelituna ka kumubiza kuli “mulenaaka,” ni kumuunga kuba yena yaetelela lubasi kwa moya
-
Ki musali yacwañi yanyezwi yalumbiwa mwa Bibele?
-
Mitala ya mwa Bibele yekona kulutusa:
-
Gen. 24:62-67—Rebeka uomba-omba muunaa hae, Isaka, hamulaho wa kushwelwa ki mahe
-
1 Sam. 25:14-24, 32-38—Abigaili usileleza muunaa hae wa sitoto mi upilisa ba ndu yahae ka kukupa Davida ka buikokobezo kuli abonise makeke
-
Est. 4:6-17; 5:1-8; 7:1-6; 8:3-6—Muoli Estere ubeya bupilo bwahae mwa lubeta habeli ka kuatumela muunaa hae yali mulena asika biziwa, mi uyo kupa kuli batu ba Mulimu basilelezwe
-
Kutatulula butata
Ki likuka mañi zekona kutusa batu babanyalani kutatulula butata bobukona kuzuha mwa linyalo?
Ki likuka mañi zekona kutusa batu babanyalani kuba ni mubonelo oswanela ka za masheleñi?
Luka 12:15; Mafil. 4:5; 1 Tim. 6:9, 10; Maheb. 13:5
Mubone ni taba yeli, “Masheleñi”
Ki likuka mañi zekona kutusa batu babanyalani kutatulula butata bobuama ba lubasi ni makwenyani?
Ki likuka mañi zekona kuetelela batu babanyalani hakutaha kwa taba ya somano?
Ki kabakalañi hakuli kwa butokwa kuisa pilu kwa tulemeno totunde twa mutu yemunyalani ni yena kufita kuisa pilu kwa mafosisa ahae?
Ki kabakalañi hakuli kokunde kutatulula butata kapili-pili ka nzila yelilato kufita kuhalifa ni kuba ni ndimbelela?
Ki kabakalañi buhali, kutatauka, kuitusisa lipulelo zemaswe, ni kunyandisa mutu haisi nto yelukile ku Mukreste nikamuta?
Hakuba ni kusautwana, ki sikonkwani mañi sebaswanela kuba ni sona bo mutu ni musalaa hae?
Ki limbuyoti mañi zebaka ikola batu babanyalani haiba sibeli sabona balatelela milao ya Jehova?
Likuka ka za linyalo
Ki likuka mañi zafa Jehova mwa taba ya somano ni linyalo?
Bakreste baswanela kuunga cwañi libali?
Luziba cwañi kuli linyalo liswanela kuba mwahalaa muuna ni musali?
Ki kabakalañi batu babanyalani habaswanela kuzwelapili kupila hamoho?
Ki lifi libaka feela la ka Mañolo lelikona kutahisa kuli linyalo lifele mwahalaa Bakreste?
Jehova uikutwa cwañi ka za teleko yeezwa isiñi ka mabaka aswanela?
Haiba yomuñwi mwa linyalo ashwa, kana yasapila ulukuluhile kunyala kamba kunyaliwa hape?
Hape Mwendi Mwakona Kutabela Litaba Ze
MUZUHE!
Mabasi Aikola Bupilo—Kuswalisana
Kana bakumina baswana feela sina batu bomupila ni bona mwa ndu iliñwi isiñi bomunyalani ni bona?
TAWALA YA MULIBELELI
Baana ba ba Nyezi
Lubasi lwa kona ku babalelwa hande kwa neku la kwa mubili kono inze lu sa babalelwi ka nzila ya butokwa ka ku fitisisa.
KA ZA LUNA
Mukupe Kuli Mutu Yomuñwi Ato Mipotela
Munyakisise puzo yeñwi ka za taba ya mwa Bibele, kamba muitute zeñata ka za Lipaki za Jehova.
