TUTO 14
Lukona Kulapela Cwañi Mulimu ka Nzila Yemutabisa?
Sina moluitutezi mwa tuto yefelile, haki bulapeli kaufela bobutabisa Mulimu. Nihakulicwalo, lwakona kulapela Mubupi waluna ka nzila yemutabisa. Ki “bulapeli” bobucwañi bobutabisa Mulimu? (Jakobo 1:27) Halunyakisiseñi zeibulela Bibele.
1. Lukona kufumana kai litaba zeka lutusa kulapela Mulimu?
Luswanela kulapela Mulimu ka kulatelela ze mwa Bibele. Jesu naabulelezi Mulimu kuli: “Linzwi lahao ki yona niti.” (Joani 17:17) Bulapeli bobuñwi habuluti litaba za niti ze mwa Linzwi la Mulimu leliñozwi ka kususumezwa ki moya wahae, yona Bibele. Buluta litaba za kuikupulela ni lizo za batu. Kono Jehova hatabiswi ki batu ‘babakeshebisa mulao wahae.’ (Mubale Mareka 7:9.) Haiba luzwelapili kulatelela ze mwa Bibele, lukatabisa Jehova.
2. Luswanela kulapela cwañi Jehova?
Lutokwa kulapela feela Jehova anosi, bakeñisa kuli ki Mubupi waluna. (Sinulo 4:11) Taba yeo ibonisa kuli luswanela kulata feela yena, ni kulapela feela yena lusaitusisi maswaniso a mufuta ufi kamba ufi.—Mubale Isaya 42:8.
Luswanela kulapela ka nzila ‘yekenile ni yeamuheleha’ ku Jehova. (Maroma 12:1) Taba yeo italusa kuli luswanela kumamela milao yahae. Ka mutala, batu babalata Jehova balata ni kumamela milao yahae ka za linyalo. Mi baambukanga likezo kamba lika zekona kubatahiseza butata zecwale ka kuzuba kwai kamba kuitusisa maswe milyani, kamba mane kunwa hahulu bucwala. a
3. Ki kabakalañi haluswanela kukopananga ni babañwi kulapela Jehova?
Kukopananga hamoho sunda ni sunda kulufa kolo ya ‘kulumbeka Jehova mwa puteho.’ (Samu 111:1, 2) Nzila yeñwi yeluezanga cwalo ki ka kuopelela Mulimu lipina za milumbeko. (Mubale Samu 104:33.) Jehova ulukupa kufumanehanga kwa mikopano bakeñisa kuli walulata mi waziba kuli haiba lueza cwalo, lukaikola bupilo kuya kuile. Halukopana hamoho ni babañwi, lwasusuezana.
MUBATISISE
Munyakisise libaka Jehova hahanisa batu kuitusisa maswaniso haba mulapela. Mi mubone linzila zeñwi zemukona kulumbeka Mulimu ka zona.
4. Haluswaneli kuitusisanga maswaniso halulapela Mulimu
Luziba cwañi kuli kueza cwalo ki kufoseza Mulimu? Mubuhe VIDIO, mi kihona mukanyakisisa puzo yelatelela.
-
Nekuezaheziñi batu ba Mulimu babañwi hane balapezi Mulimu ka kuitusisa maswaniso mwa linako za kwamulaho?
Batu babañwi baitusisanga maswaniso kulapela Mulimu ka kunahana kuli kueza cwalo kuka batusa kuba bukaufi ni Mulimu. Kono kana taba yeo ki ya niti? Mubale Exoda 20:4-6 ni Samu 106:35, 36, mi kihona mukanyakisisa lipuzo zelatelela:
-
Ki lika mañi zemuiponezi zebaitusisanga batu kulapela Mulimu?
-
Jehova uikutwa cwañi batu habamulapela ka kuitusisa maswaniso?
-
Mina muikutwa cwañi ka za taba yeo?
5. Kulapela feela Jehova anosi kulutusa kusalumela litaba za buhata
Mubone mo kulapela Jehova kukona kulutuseza kusalumela litaba za buhata. Mubuhe VIDIO.
Mubale Samu 91:14, mi kihona mukanyakisisa puzo yelatelela:
-
Jehova ulusepisañi haiba lubonisa kuli lwamulata ka kulapela feela yena anosi?
6. Lulapelanga Mulimu haluli kwa mikopano ya puteho
Haluopela ni kufa likalabo kwa mikopano ya puteho, lulumbeka Jehova ni kususueza babañwi. Mubale Samu 22:22, mi kihona mukanyakisisa lipuzo zelatelela:
-
Kana mwaikolanga kuteeleza kwa likalabo zefiwanga kwa mikopano?
-
Kana mwatabela kuitukiseza kuyo fa kalabo kwa mikopano?
7. Jehova watabelanga haiba lubulelela babañwi zeluituta
Kunani linzila zeñata zelukona kutaluseza babañwi zeluituta. Mubale Samu 9:1 ni 34:1, mi kihona mukanyakisisa puzo yelatelela:
-
Ki taba mañi yemuitutile mwa Bibele yemutabela kutaluseza mutu yomuñwi?
BABAÑWI BABULELANGA KULI: “Hakukonahali kutabisa Mulimu.”
-
Mina mubona cwañi?
LITABA KA BUKUSWANI
Lutabisa Mubupi waluna halulapela feela yena anosi, halu mulumbeka ka kufumaneha kwa mikopano ya puteho, ni halubulelela babañwi zelusweli kuituta.
Mulundulule
-
Lukona kulapela cwañi Mulimu ka nzila yatabela?
-
Ki kabakalañi haluswanela kulapela feela Jehova?
-
Ki kabakalañi haluswanela kukopananga ni babañwi kuli lulapele Mulimu?
MUBONE LITABA ZEÑWI
Mubone mo musali yomuñwi abezi ni tabo bakeñisa kutuhela kulapelanga ka kuitusisa maswaniso.
“Hanisali Mutangaa Milimu ya Maswaniso” (Tawala ya Mulibeleli, July-September, 2011)
Munyakisise zemukona kueza kuli mufe likalabo kwa mikopano ya puteho.
“Mulumbeke Jehova Mwa Puteho” (Tawala ya Mulibeleli, January 2019)
Mubone mo mutangana yomuñwi naatuselizwe ki mikopano niha neku mubelanga taata kufumaneha ku yona.
Batu babañata balumela kuli sifapahano sizibahaza mutu kuli ki Mukreste, kono kana lwaswanela kuitusisanga sifapahano kwa kulapela Mulimu?
a Lukanyakisisa litaba zeo mwa lituto zesataha.
Hape Mwendi Mwakona Kutabela Litaba Ze
LIPUZO ZEBUZIWANGA HAÑATA
Tuto ya Bibele Yebazamaisanga Lipaki za Jehova ki Nto Mañi?
Hamunze muituta Bibele ni Lipaki za Jehova, mwakona kuitusisa toloko ya Bibele ifi kamba ifi yemutabela. Mulukuluhile kumema lubasi lwamina kaufela kamba mulikani wamina ufi kamba ufi kuli afumanehe kwa tuto yamina.
