TUTO 28
Mubonise Buitumelo ku Zamiezelize Jehova ni Jesu
Muikutwanga cwañi mulikanaa mina hamifa mpo yende? Mwendi mwatabanga mi mubatanga kubonisa buitumelo ku mulikanaa mina. Jehova ni Jesu balufile mpo yende ka kufitisisa. Ki ifi mpo yeo, mi lukona kubonisa cwañi buitumelo kwa mpo yeo?
1. Lukona kubonisa cwañi buitumelo ku zaluezelize Mulimu ni Kreste?
Bibele isepisa kuli “mutu kaufela yabonisa tumelo ku [Jesu]” wakona kupila kuya kuile. (Joani 3:16) Kubonisa tumelo kutalusañi? Kunani lika zeñwi zatokwa kueza mutu kwandaa kulumela feela ku Jesu. Hape lutokwa kubonisa tumelo yaluna ka likezo ni ka likatulo zelueza mwa bupilo. (Jakobo 2:17) Haiba zelueza ni zelubulela libonisa kuli lunani tumelo, lukatiisa silikani saluna ni Jesu ni Ndatahe, yena Jehova.—Mubale Joani 14:21.
2. Ki mukiti mañi oipitezi olutusa kubonisa buitumelo bwaluna ku Jehova ni Jesu?
Manzibwana anaalatelezwi ki lizazi lanaashwile, Jesu naabulelezi balateleli bahae nzila yeñwi yene bakabonisa ka yona buitumelo bwabona kwa sitabelo sahae. Jesu naaezize mukiti oibiza Bibele kuli “Mulalelo wa Mulena,” ili obizwanga hape kuli Kupuzo ya Lifu la Kreste. (1 Makorinte 11:20) Jesu naaezize mukiti wo ilikuli baapositola bahae ni Bakreste kaufela ba niti bahupulange kuli naalushwezi. Jesu naalaezi cwana ka za mukiti wo: “Muezange cwalo kuli munihupule.” (Luka 22:19) Hamufumaneha kwa Kupuzo, mubonisa buitumelo kwa lilato lelituna lalubonisize Jehova ni Jesu.
MUBATISISE
Muitute linzila zeñwi zemukona kubonisa ka zona buitumelo kwa lilato lelituna lalubonisize Jehova ni Jesu. Munyakisise libaka halutokwa kuezanga Kupuzo ya lifu la Kreste.
3. Zelutokwa kueza kuli lubonise buitumelo
Muunge kuli mutu yomuñwi wamitusa kuli musike mwashwela mwa mezi. Kana hamulaho wa kumitusa, mukaikela feela? Kamba kana mukabonisa buitumelo ku mutu yo yamitusize?
Jehova ki yena yalupilisa. Mubale 1 Joani 4:8-10, mi kihona mukanyakisisa lipuzo zelatelela:
-
Ki kabakalañi sitabelo sa Jesu hasili sa butokwa?
-
Muikutwa cwañi ka za lika zamiezelize Jehova ni Jesu?
Lukona kubonisa cwañi buitumelo ku zaluezelize Jehova ni Jesu? Mubale 2 Makorinte 5:15 ni 1 Joani 4:11; 5:3. Hase mubalile leliñwi ni leliñwi la mañolo ao, munyakisise puzo yelatelela:
-
Ka kuya ka liñolo le, lukona kubonisa cwañi buitumelo bwaluna?
4. Mulikanyise Jesu
Nzila yeñwi yelukona kubonisa ka yona buitumelo ki ka kulikanyisa Jesu. Mubale 1 Pitrosi 2:21, mi kihona mukanyakisisa puzo yelatelela:
-
Ki mwa linzila mañi momukona kulikanyisa Jesu ka busepahali?
Jesu naalata Linzwi la Mulimu, naakutalize taba yende, mi naatusize batu
5. Mufumanehange kwa Kupuzo ya lifu la Kreste
Kuli muzibe mone uezelizwe Mulalelo wa Mulena lwapili, mubale Luka 22:14, 19, 20. Mi kihona mukanyakisisa lipuzo zelatelela:
-
Ki lika mañi zeneezahezi fa Mulalelo wa Mulena?
-
Sinkwa ni waine liyemelañi?—Mubone litimana 19 ni 20.
Jesu naalaezi balutiwa bahae kuli baezange Mulalelo wa Mulena hañwi ka silimo ili kuhupula lizazi lanaashwile. Kona libaka Lipaki za Jehova habakopananga hamoho hañwi ka silimo kuhupula lifu la Kreste, mi baezanga mukiti wo ka mwanaalaelezi Jesu. Kuli muzibe zeñata ka za mouezezwanga mukiti wo, mubuhe VIDIO. Mi kihona mukanyakisisa puzo yelatelela.
-
Ki lika mañi zeezahalanga kwa Kupuzo?
Sinkwa ni waine liyemela feela lika zeñwi. Sinkwa siyemela mubili wanaafile Jesu sina sitabelo. Mi waine yona iyemela mali ahae
BABAÑWI BABULELANGA KULI: “Mutokwa feela kulumela ku Jesu kuli mupiliswe.”
-
Mukona kuitusisa cwañi liñolo la Joani 3:16 ni la Jakobo 2:17 kuli mutuse mutu kuziba kuli utokwa kueza lika zeñwi kuli apiliswe?
LITABA KA BUKUSWANI
Lubonisa buitumelo ku zaluezelize Jesu ka kubonisa tumelo ku yena ni ka kufumanehanga kwa Kupuzo ya lifu lahae.
Mulundulule
-
Kubonisa tumelo ku Jesu kutalusañi?
-
Mukona kubonisa cwañi buitumelo ku zamiezelize Jehova ni Jesu?
-
Ki kabakalañi hamuswanela kufumanehanga kwa Kupuzo ya lifu la Kreste?
MUBONE LITABA ZEÑWI
Lifu la Jesu lilususueza kuezañi?
Muitute zeñata ka za tumelo ni momukona kuiboniseza.
“Mubonise Tumelo Mwa Lisepiso za Jehova” (Tawala ya Mulibeleli, October 2016)
Mubale likande la musali yanaatusizwe hamulaho wa kuutwisisa zesitalusa sitabelo sa Kreste.
“Bibele Yacincanga Bupilo Bwa Batu” (Tawala ya Mulibeleli, August 1, 2011)
Munyakisise libaka batu basikai habacanga sinkwa ni kunwa waine fa Kupuzo.
Hape Mwendi Mwakona Kutabela Litaba Ze
LIPUZO ZEBUZIWANGA HAÑATA
Tuto ya Bibele Yebazamaisanga Lipaki za Jehova ki Nto Mañi?
Hamunze muituta Bibele ni Lipaki za Jehova, mwakona kuitusisa toloko ya Bibele ifi kamba ifi yemutabela. Mulukuluhile kumema lubasi lwamina kaufela kamba mulikani wamina ufi kamba ufi kuli afumanehe kwa tuto yamina.
