Zemukona Kueza Kuli Mutusiwe Hahulu ki Lituto za Mwa Bibele ze
Pili mukale kunyakisisa zemuka ituta mwa buka ye, mi hamulaho mubuhe VIDIO.
KALULO YAPILI
Kuli muitukiseze tuto ni tuto, mubale kalulo yapili. Lipuzo ze mwa muñolo otibile (A) ni mañolo (B) likoñomeka lisupo zetuna. Mañolo amañwi abonisizwe kuli “mubale.”
KALULO YA FAHALI
Litabanyana (C) ze mwatasaa Mubatisise litalusa litaba zekanyakisiswa. Litohonyana (D) libonisa lisupo zetuna. Mubale mañolo, mualabe lipuzo, mi mubuhe mavidio ni babaitutanga ni mina Bibele. Munyakisise maswaniso ni litaba ze kwatasaa ona
Tumbokisi totubonisizwe kuli VIDIO tumilibisa kwa mavidio aswalisana ni litaba zemuituta. Mavidio amañwi abonisa litaba zeezahezi luli za mwa linako zaluna. Amañwi ona ki abapalilwe feela ili asabonisi luli lika zeezahala kamba batu luli kono ili aluta batu lituto za butokwa mwa miinelo yeshutana-shutana.
(E), mi munahanisise momukona kualabela lipuzo ze mwatasaa taba yeli Babañwi Babulelanga Kuli (F).
KALULO YA MAFELELEZO
Tuto ni tuto ifela ka Litaba ka Bukuswani ni Mulundulule (G). Muñolange lizazi lemufelize kuituta. Taba yeli Za Kueza (H) ibonisa zemutokwa kueza. Taba yebonisa kuli Mubone Litaba Zeñwi (I) ibonisa litaba zeñwi zemukona kubala kamba kubuha.
Ze Mwahali
|
|
|
|
Mwakufumanela litimana za mwa Bibele
Mwa Bibele kunani libukanyana ze 66. Bibele ialuzwi mwa likalulo zepeli, ili Mañolo A Siheberu ni Siarami (“Testamente Yakale”) ni Mañolo A Sigerike A Sikreste (“Testamente Yenca”).
Mañolo abonisizwe ka Libizo la buka ya mwa Bibele(A), mi hamulaho kubonisizwe kauhanyo (B), kihona kuboniswa timana kamba litimana (C).
Ka mutala, Joani 17:3 italusa buka ya Joani, kauhanyo 17, timana 3.
Hape Mwendi Mwakona Kutabela Litaba Ze
LIPUZO ZEBUZIWANGA HAÑATA
Tuto ya Bibele Yebazamaisanga Lipaki za Jehova ki Nto Mañi?
Hamunze muituta Bibele ni Lipaki za Jehova, mwakona kuitusisa toloko ya Bibele ifi kamba ifi yemutabela. Mulukuluhile kumema lubasi lwamina kaufela kamba mulikani wamina ufi kamba ufi kuli afumanehe kwa tuto yamina.
