Haiba mutu yomuñwi alubuza puzo kamba ubata kuziba taba yeñwi luli, lukatabela kuikambota ni yena. Lubata kuikambota ni batu “ba lipilu zende bababata bupilo bobusa feli.”—Lik. 13:48.

Kono kucwañi haiba mutu uhalifile, ueza likañi, kamba hatabeli kuambola ni luna ka nako ya cwale? Mutuhele kuambola ni mutu yo ka maseme ni ka likute. (Liprov. 17:14) Mulike kufeza puisano inze muwile pilu ilikuli kwapili atabele kuambola ni luna.—1 Pit. 2:12.