KALULO 4
Kuteeleza ku Satani Nekutahiselizeñi Batu?
Bo Adama ni Eva nebasika utwa Mulimu, kabakaleo bashwa. Genese 3:6, 23
Eva naautwile zene imubulelezi noha mi aca kwa muselo wa kota. Hasamulaho, afa Adama kwa muselo, mi Adama aca.
Zene baezize nelifosahezi—nebaezize sibi. Mulimu abaleleka mwa lihae labona lene lili Paradaisi.
Bupilo bwabatatafalela hamoho ni bana babona. Basupala ni kushwa. Nebasika fetuha kuba libupiwa za moya; nebatuhezi kubateñi.
Babashwile habana bupilo, baswana feela sina liluli. Genese 3:19
Kaufelaa luna lusimuluha ku bo Adama ni Eva mi ki lona libaka halushwa. Batu babashwile habakoni kubona, kuutwa, kamba kueza sesiñwi.—Muekelesia 9:5, 10.
Jehova naasika lela kuli batu bashwange. Hona cwale-cwale fa, ukazusa batu babashwile. Haiba bakateeleza ku yena, bakapila kuya kuile.
Hape Mwendi Mwakona Kutabela Litaba Ze
LITUTO ZA BUTOKWA ZA MWA BIBELE
Babashwile ba Mwa Muinelo Mañi?
Bibele isepisa kuli ka nako yeñwi batu babañata baka zusiwa kwa bafu, kamba kukutisezwa kwa bupilo, sina feela mone kubezi ku Lazaro.
LITUTO ZA BUTOKWA ZA MWA BIBELE
Ki Kabakalañi Mulimu Hatuhelezi Manyando?
Batu babañata baipuzanga ka za libaka mwa lifasi hakunani hahulu sitoyo ni manyando. Bibele ilufa kalabo yekolwisa ili yeomba-omba.
