KALULO 11
Kana Jehova Wateelezanga Halulapela?
Mulimu wautwanga litapelo zaluna. 1 Pitrosi 3:12
Jehova ki Mulimu “Yautwa litapelo.” (Samu 65:2) Ubata kuli lulapelange ku yena kuzwelela kwa pilu.
Mulapelange ku Jehova isiñi ku mutu ufi kamba ufi.
Lwakona kulapela ka za lika zeñata. 1 Joani 5:14
Mulapele kuli tato ya Mulimu iezwe kwa lihalimu ni fa lifasi.
Mulapelange ka libizo la Jesu kuli mubonise kuli mwaitebuha zamiezelize.
Mukupe Jehova kuli amituse kueza zende. Hape mwakona kulapela kuli amituse kufumana lico, musebezi, ndu, liapalo, ni kuli mube ni mibili yeiketile.
Hape Mwendi Mwakona Kutabela Litaba Ze
LITUTO ZA BUTOKWA ZA MWA BIBELE
Kana Mulimu Wautwa Litapelo Kaufela?
Kono kucwañi haiba mutu alapela ka mulelo wa buitati? Kucwañi haiba muuna anyandisa musalaa hae, mi kihona akupa kuli Mulimu amufuyole?
