MBOKISI 7B
Lipulelo Zeitusisizwe Hahulu Mwa Buka ya Ezekiele
“Mwanaa Mutu”
IFUMANEHA HAFITELELA 90
Ezekiele ubizwa hafitelela 90 kuli “mwanaa mutu.” (Ezek. 2:1) Ka kumubiza cwalo, Jehova naahupulisa Ezekiele kuli nihaike kuli naafilwe buikalabelo bobutuna, naali mutu feela wa fa lifasi. Jesu ni yena ubizwa kuli “Mwanaa mutu” hafitelela 80 mwa litaba za Evangeli, ili kubonisa kuli naatiloba mutu luli isiñi lingeloi lene liipetuzi feela kuba mutu.—Mat. 8:20.
Pulelo yeama ‘Kuziba kuli ki na Jehova’
IFUMANEHA HAFITELELA 50
Mwa litaba zeneñozwi ki Ezekiele, manzwi a Mulimu a kuli batu bakaziba Jehova, afumaneha hafitelela 50, ili kukoñomeka kuli ki Jehova feela yaswanelwa kulapelwa.—Ezek. 6:7.
“Jehova Mulena Yapahami ka Kufitisisa”
IFUMANEHA HA 217
Pulelo ya kuli “Jehova Mulena Yapahami ka Kufitisisa” ifumaneha ha 217, ili kububanisa libizo la Mulimu ni kukoñomeka kuli libupiwa kaufela liswanela kuzamaiswa ki Jehova. —Ezek. 2:4.
