BABABALELI Musebezi wa bababaleli ki wa kumitusa. Mukupiwa kusebelisana ni bona ka kulatelela ketelelo yebamifa ya kwa kuyemiseza limota, kutusa babakena ni babazwa mwa sibaka sa mukopano, kutusa bababata kubulukela babañwi lipula, ni kutusa baputehi mwa litaba zeñwi.

KOLOBEZO Lipula zebulukezwi babayo kolobezwa likaba mwa arena fapilaa libulelelo, konji haiba kuba ni licinceho. Babakolobezwa baswanela kuina mwa sibaka sebalukiselizwe pili ngambolo ya kolobezo isika kalisa kale fa lizazi labubeli kakusasana. Mañi ni mañi uswanela kushimba lisila la kuipukutisa ni libyana zeswanela zakatina ka nako ya kolobezo.

LINUBU Kuitusisizwe masheleñi amañata kwa kulukisa libaka fa kuina, kwa kulukisa za mulumo ni mavidio, ni lika zeñwi zeñata zelukonisa kuikola mukopano wo ili zelutusa kusutelela hahulu ku Jehova. Linubu zemufa ka kuitatela litusa kulifela lisinyehelo zeo mi hape litusa ni mwa musebezi wa mwa lifasi kaufela. Kubeilwe tumbokisi kai ni kai ili totuñozwi hande kuli ki twa linubu kuli kumibele bunolo kufa linubu. Hape mwakona kufa nubu ka kuya fa Intaneti ni kukenya manzwi ali, donate.pr418.com. Linubu kaufela zaitebuhiwa hahulu. Sitopa Sesietelela siitumela ku mina kwa linubu zemufanga zetusa mwa misebezi ya Mubuso.

LILUKO LA LIKALAFO Shangwe muhupule kuli liluko le, ki la matuku a ka sipundumukela feela.

ZELATEHILE Lika kaufela zefumanwi liswanela kuisiwa kwa liluko le. Haiba mulatehezwi ki nto yeñwi, muye kwa liluko le kuli muyo bata libyana zamina. Banana babalatehile baswanela kuisiwa kwa liluko le. Kono kuli musike mwafa batu musebezi, mukupiwa kutokomela bana bamina, ni kuina ni bona.

FA KUINA Shangwe muiyakatwe babañwi. Muhupule kuli mukona feela kubulukela lipula ba lubasi lwamina ni bemuzamaya ni bona mwa mota, bemupila ni bona ndu iliñwi, kamba bemuituta ni bona Bibele. Mukupiwa kusabeya libyana fa libaka zemusa itusisi ili fokukona kuina babañwi.

SEBELEZO YA KUITATELA Haiba mubata kutusa kwa misebezi ya fa mukopano, shangwe muipihe kwa liluko le.

Sikolo sa Bakutazi ba Mubuso Mapaina ba lilimo ze mwahalaa 23 ni 65 ili babatabela kueza zeñata mwa bukombwa, bamemiwa kufumaneha kwa mukopano wa babaitakaleza kukena mwa Sikolo sa Bakutazi ba Mubuso okaba teñi fa lizazi la mafelelezo hamulaho wa tukiso ya kakusasana. Nako ni sibaka kouka ezezwa mukopano wo likazibiswa.