balumela kuli batu bakopananga ni manyando kabakala lika zene baezize mwa bupilo bobapila cwale kamba mwa bupilo bone bapilanga kwamulaho pili basika shwa kale. Mi hape balumela kuli mutu wakona kuba mwa muinelo obizwa moksha, ili muinelo otibela mutu yo kupepwa sinca ni kutahisa kuli mutu yo asike aba ni swalisano ni yekana ya lika zeina feela nakonyana.

balumela kuli batu bakopananga ni manyando kuli tumelo yabona ilikiwe kamba batu bakopananga ni manyando sina koto kabakala libi zebaezize. Bo Sayyid Syeed, ili babaetelela katengo ka Islamic Society of North America, batalusa kuli batu bakopananga ni manyando kuli bahupule kuli ‘baswanela kuzwelapili kuitumelanga kwa lika kaufela zabaezelize Mulimu ni kuli batuse babotana.’

balumela kuli batu bakopananga ni manyando kabakala likezo zabona. Majuda babañwi balumela kuli kukaba ni zuho ya bafu, mi hamulaho wa zuho yeo, batu babasina mulatu bane bakopananga ni manyando bakaatulwa ka kuluka. Tuto ya Sijuda ya Kabbalistic ibonisa kuli mutu hashwa, upepiwanga sinca sina sibupiwa sisili mi nto yeo imufa kolo ya kuli acince mupilelo wahae omaswe.

balumela kuli batu bakopananga ni manyando mwa bupilo bwabona kaufela, mi niha bakapepwa sinca, bakazwelapili kukopana ni manyando kufitela batuhela likezo zabona zemaswe, kuambuka maikuto afosahalile, ni kutuhela kulakaza lika zesaswaneli. Haiba mutu aba ni butali, aeza lika zende, ni kunahana lika zende, wakona kuba mwa muinelo obizwa nirvana, ili muinelo otahisa kuli asike akopana ni manyando hape.

babulelwa mwa buka yebizwa A Dictionary of Comparative Religion kuli manyando amañata ebakopana ni ona batu atiswa ki “mafosisa ebaezanga mwa bupilo.” Nihaike kuli baanga kuli kupila bupilo bobunde kwakona kukusufaza kwa manyando, batu ba, balumela kuli “manyando amañata ebakopana ni ona batu atahiswa ki libupiwa za moya zenani maata kufita batu. Kacwalo, batu baswanela feela kulatelela molibatela libupiwa za moya zeo.”

balumela kuli manyando atahiswa ki buloi. Ka kuya ka litumelo zeo, batu ba, balumela kuli baloi bakona kutahiseza batu matohonolo kamba kozi, mi manyando ebatahiseza batu akona kukusufazwa ka kueza lika zeñwi zeama tumelo ya mioya. Balumela kuli liñaka zakona kutusa mutu yakuliswa ki baloi.

balumela kuli sibi sitahisizwe ki batu bapili bababeli, bababulezwi mwa buka ya mwa Bibele ya Genese. Nihakulicwalo, bulapeli bobuñata bwa Sikreste buekelize litaba zeñwi kwa tuto yeo. Ka mutala, batu babañwi ba mwa bulapeli bwa Katolika balumela kuli manyando akopana ni ona mutu mwa bupilo akona ‘kufiwa sina sitabelo ku Mulimu’ kuli Mulimu afuyaule keleke kamba kuli Mulimu afuyaule mutu yomuñwi.