Buka Ye Latiwa Hahulu ku Fita Libapaliso

Kana banana ba banyinyani ba kona ku lata hahulu buka ku fita libapaliso? Eni ba kona haiba bashemi ba kalisa ku ba balelanga libuka ku zwa fela kwa bumbututu. Bo Mebrahtu ni bo Angela ba kwa California, U.S.A., ne ba kalile ku balela mwan’a bona wa musizana buka ya Itute ku Muluti Yo Mutuna ku zwa fela fa pepelwa.

Bashemi bao ne ba ñozi kuli: “Bakeñisa ku mu balelanga buka yeo, mwan’a luna sa lata hahulu buka ya Muluti. Ha na na ni likweli fela ze 12, na kalile ku lu kupanga kuli lu mu balele buka yeo, ya na bizanga kuli buka ya Jesu. Mwan’a luna Julianna sa na ni lilimo ze talu cwale mi u nyolelwanga hahulu linako ze lu mu balelanga buka yeo zazi ni zazi. Ha lu bulela kuli mwan’a luna u lata hahulu buka ye ku fita libapaliso lifi kamba lifi, ha lu buleli buhata. Maswaniso a mwa buka ye ni liswanisezo za mwateñi li tusa hahulu kwa ku luta. Mi ni luna bashemi lu ituta lika ze ñata ku yona.”

Mwa kona ku ikupela buka ye ye na ni maswaniso a mande ili ya makepe a 256 a’ likana ni makepe a magazini ye kwa butuna. Se mu swanela fela ku eza ki ku taleleza kalulo ye bonisizwe kwatasi ni ku i lumela ka ku itusisa keyala ye bonisizwe kamba ka ku itusisa keyala ye swanela ye bonisizwe fa likepe 5 la magazini ye.

□ Ni kupa kuli mu ni lumele buka ye bonisizwe ye, ku si na tifo.

□ Ni kupa mutu ya ka to itutanga ni na Bibele.