“Ya Tabisa Luli!”

▪ Kona mwa na bulelezi muzamaisi wa patisiso ya manyalo ka za buka ya Sinotolo kwa Tabo ya Lubasi. Munna ni musal’a hae ba ne ba buzizwe mwa patisiso yeo ne ba file muzamaisi yo buka yeo ni ku mu taluseza kuli buka yeo ne i ba tusize ku itukiseza linyalo la bona.

Muzamaisi wa patisiso yo na ñolezi bo munna ni musali bao ili ku itumela ku bona kwa “mpo ye tabisa hahulu” ye ne ba mu file. Kihona cwale a talusa kuli u na ni sepo ya kuli batu ba ba nyalani ba ba swana ni bo munna ni musali bao, ba kona ku luta ba bañwi “ze tahisa kuli manyalo a be a tiile ni a kondile.” Na na ni sepo ya kuli libuka ze swana ni buka ya Sinotolo kwa Tabo ya Lubasi za kona ku tusa batu ba ba nyalani ku tatulula matata e ba kana ba kopana ni ona. Muzamaisi yo na lemuhile kuli bo munna ni musali bao ne ba tusizwe hahulu ki tumelo ye tiile ni ku itinga kwa bona fa tuso ya Mulimu.

Muzamaisi yo na talusize kuli na beile buka yeo fa tafule ya hae ni kuli baituti ba hae ha ba kupanga kelezo ka za manyalo wa ba bonisanga yona. Na felize ka ku bulela kuli: “Na li ku ba ni bone buka ye, mi ya tabisa luli!”

Buka ya Sinotolo kwa Tabo ya Lubasi i tusize batu ba ba nyalani ba bañata mwa lifasi lote. Ni mina ya kona ku mi tusa kuli mu sebelise likuka za mwa Bibele ze kona ku tahisa kuli bupilo bwa lubasi lwa mina bu be bo bu tabisa.

Mwa kona ku ikupela buka ye ya makepe a 192 ka ku taleleza kalulo ye bonisizwe kwatasi ni ku i lumela ka ku itusisa keyala ye bonisizwe kamba ka ku itusisa keyala ye swanela ye bonisizwe fa likepe 5 la magazini ye.

□ Ni kupa kuli mu ni lumele buka ye bonisizwe ye, ku si na tifo.

□ Ni kupa mutu ya ka to itutanga ni na Bibele.