Butali Bwa Mulena Salumoni

● Muluti yo muñwi naa buzize bana ba sikolo ba giledi 4 ba mwa kilasi ye ñwi kuli ne ba zibañi ka za Mulena Salumoni ya bulezwi mwa Bibele. Musizana wa lilimo ze 9 ya bizwa Sheena naa bulezi kuli Salumoni naa li mulena ya butali hahulu mi a talusa mo Salumoni naa tatululezi kañi ye ne ba bile ni yona basali ba babeli ba ne ba ñañelela mwana a li muñwi. Sapili balikani ba Sheena ha ne ba utwile mo Salumoni naa tatululezi taba yeo, ba komoka hahulu, kono bo muluti ba bulela kuli Salumoni naa tatuluzi kañi yeo ka nzila ye nde.

Sheena a talusa kuli naa itutile taba yeo ha naa balile buka ye na ni toho ya taba ye li Buka Ya Ka ya Makande a Bibele, ili buka mo ku na ni likande le li talusa za butali bwa Salumoni. Sheena naa talusize kuli: “Bana ba sikolo ba 6 ba mwa kilasi ya luna ne ba bonisize kuli ne ba tabela ku ba ni buka ye ya Makande a Bibele.” Mi naa zwezipili ku talusa kuli: “Bo muluti ba ka ni bona ba ni kupa buka yeo. Kamukwaocwalo, ne ni konile ku abela libuka ze 7 kwa batu bao kaufela.”

Mwa kona ku kupa kopi ya Buka Ya Ka ya Makande a Bibele, ili ye na ni makande a 116 a bulela ka za batu ni likezahalo ze bulezwi mwa Bibele. Kuli mu fumane buka yeo, mu taleleze kalulo ye bonisizwe kwatasi ni ku lumela kalulo yeo kwa Lipaki za Jehova ka ku itusisa keyala ye swanela kwa likeyala ze bonisizwe fa likepe 5 la magazini ye.

□ Ni kupa kuli mu ni lumeleze buka ye bonisizwe fa.

□ Ni kupa kuli mutu yo muñwi a tahange fa ndu ya ka ku to ni luta Bibele.