Litaba Za Ku Nyakisisa Ni Lubasi Lwa Mina
Litaba Za Ku Nyakisisa Ni Lubasi Lwa Mina
Ki Ifi Shutana ye Mwahalaa Maswaniso A?
Ki lifi lika ze taalu ze shutana mwahalaa siswaniso sa A ni siswaniso sa B? Mu ñole likalabo za mina mwa milaini ye kwatasi, mi mu feleleze maswaniso ao ka ku a penta.
TABA: Mu bale 1 Samuele 16:1-3, 6-13.
1. ․․․․․
2. ․․․․․
3. ․․․․․
4. Ki sifi siswaniso se si nepahezi, ki siswaniso sa A kamba ki siswaniso sa B?
LITABA ZA KU AMBOLISANA:
Jehova u talimangañi ku mutu? Bibele i talusañi ha i bulela kuli ‘Muñaa Bupilo u talima pilu’?
TABA: Mu bale Jeremia 17:10.
Ponahalo ya mutu ki ya butokwa cwañi ku Jehova?
TABA: Mu bale Liproverbia 11:22; 31:30; 1 Pitrosi 3:3, 4.
Ki tulemeno mañi to tu ka tahisa kuli mu be batu ba bande mwa meeto a Mulimu?
TABA: Mu bale Luka 10:27; 2 Pitrosi 1:5-8.
ZA KU EZA SINA LUBASI:
Mu bale Magalata 5:22, 23. Mu ñole kalemeno ni kalemeno ka ka bulezwi mwa litima zeo fa pampili ya kona. Ki tulemeno to tu 9. Mu kete a li muñwi wa lubasi lwa mina, mi ka ku itusisa silamatela, mu mameke pampili ye ñozwi kalemeno ka li kañwi mwa mukokoto wa hae. Mutu yo ha swaneli ku bona kalemeno ka ka ñozwi fa pampili yeo. A like ku nuha kalemeno kao ka ku buza lipuzo ka za teñi. Ba mwa lubasi ba swanela ku alaba lipuzo za hae ka ku itusisa feela kalabo ya ee kamba awa.
Mu Buluke Makadi A mi mu Itute
Mu pume, mu pute fahali, mi mu buluke
KADI YA BIBELE 13 JOBO
LIPUZO
A. Jobo naa na ni bana ba bashimani ba ․․․․․ ni bana ba basizana ba ․․․․․.
B. Satani naa ezizeñi ku Jobo?
C. Mu feleleze manzwi a Jobo, a li: “Ni ka bulela kuli ni tokwa mulatu . . . ”
[Chati]
4026 B.C.E. 1 C.E. 98 C.E.
Fa bupelwa Adama Naa pilile ibato ba Buka ya mafelelezo
mwa lilimo za ma mwa Bibele ya fezwa
1600 B.C.E. ku ñolwa
[Mapa]
Na pila mwa Uzi
NAHA YA SEPISO
EGEPITA
UZI?
JOBO
ZA BUPILO BWA HAE KA BUKUSWANI
Naa li muuna ya “lukile hahulu, [ni] ya sepahala” ku Mulimu. (Jobo 1:8) Nihaike kuli musalaa hae ni batu ba bañwi ne ba mu hapeleza ku fulalela Mulimu, Jobo naa si ka tuhela ku sebeleza Mulimu. (Jobo 1:20-22; 2:9, 10) Buitiiso bwa hae ni ze nde ze ne zwile mwateñi, li lu fa bundume bo bu lu konisa ku tiyela litiko ka busepahali.—Jobo 42:12-17; Jakobo 5:11.
LIKALABO
B. Naa bulaile limunanu za hae, balisana ba hae, bana ba hae, mi naa mu tahiselize butuku.—Jobo 1:13-19; 2:4-7.
C. “. . . mane ku isa kwa lifu la ka.”—Jobo 27:5.
KADI YA BIBELE 14 SAMUELE
LIPUZO
A. Bashemi ba Samuele nee li bo ․․․․․.
B. Jehova naa itusisize Samuele ku ñola libuka lifi za mwa Bibele?
C. Mu feleleze manzwi a mwa Bibele a, a li: “Mi mwanana yena Samuele, . . . ”
[Chati]
4026 B.C.E. 1 C.E. 98 C.E.
Fa bupelwa Adama Naa pilile ibato ba Buka ya mafelelezo
mwa lilimo za ma mwa Bibele ya fezwa
1100 B.C.E. ku ñolwa
[Mapa]
Na pepezwi mwa Rama—a ya kwa Shilo
Rama
Shilo
Jerusalema
SAMUELE
ZA BUPILO BWA HAE KA BUKUSWANI
Bashemi ba hae ne ba ‘mu file ku Muñaa Bupilo’ mi ne ba mu susuelize ku zwelela kwa bwanana bwa hae kuli a sebeleze Mulimu mwa bupilo bwa hae kaufela. (1 Samuele 1:24, 28) Nihaike kuli naa boni baprisita ba ba maswe ha ba itusisa litulo za bona ku putelela batu, Samuele naa zwezipili ku sepahala ni ku kumalela ku Mulimu, mi hape naa zwezipili ku bonisa bundume.—1 Samuele 2:22-26; 3:18, 19; 12:2-5, 17, 18.
LIKALABO
A. Elikana ni Anna.—1 Samuele 1:19, 20.
B. Buka ya Baatuli, buka ya Ruti, ni kalulo ye ñwi ya buka ya 1 Samuele.
C. “. . . na nza hulela fapilaa Muñaa Bupilo.”—1 Samuele 2:21.
Mwa kona ku hatisa mapampili a mañwi mwa puo ya Sikuwa a na ni kalulo ya “Litaba za ku Nyakisisa ni Lubasi Lwa Mina” fa sibaka sa luna sa fa Intaneti sa www.pr418.com
● Likalabo za taba ya “LITABA ZA KU NYAKISISA NI LUBASI LWA MINA” li fa likepe 9
LIKALABO ZA LIPUZO ZE FA LIKEPE 30
1. Mwa siswaniso se siñwi ku na ni puli, kono ku se siñwi ku na ni komu.
2. Mwa siswaniso se siñwi ku na ni musizana, kono ku se siñwi ha ku na.
3. Ku na ni botela ya mukata mwa siswaniso se siñwi, kono ku se siñwi ku na ni lunaka lo lu tezi mafula.
4. B.
